Хайлт

Ажлын өдрийн мэнд ээ, Татварын ерөнхий хуулийн дагуу хуулийн этгээд эцсийн өмчлөгчөө улсын бүртгэлд бүртгүүлдэг болсон билээ. 2025 оны байдлаар манай улсын бизнес регистрийн санд бүртгэлтэй (үйл ажиллагаа явуулж байгаа, зогсоосон болон бусад) нийт 263,433 байгууллага байна. Харин Улсын бүртгэлийн ерөнхий газраас мэдэгдсэнээр 2026 оны 07 дугаар сарын 01-ний өдрийн дотор эцсийн өмчлөгчийн мэдээллээ бүртгүүлэх ёстой 45,373 аж ахуй нэгж байна. Өөрөөр хэлбэл нийт бүртгэлтэй байгууллагуудын 17% нь мэдээллээ бүртгүүлж амжаагүй байна. Хэрэв та бүртгэл хийлгэсэн эсэхээ магадлах бол энд дарж  эцсийн өмчлөгчийн мэдээллээ бүртгүүлэх ёстой байгууллагуудын жагсаалттай танилцана уу. Харин бүртгүүлж амжаагүй бол дараах баримтуудыг бүрдүүлэн аймаг, дүүргийн улсын бүртгэлийн хэлтэс болон нийслэлийн үйлчилгээний нэгдсэн төвд хандаарай. Бүрдүүлэх бичиг баримтууд: Хуулийн этгээдийн эцсийн өмчлөгчийн мэдээллийг улсын бүртгэлд бүртгүүлэх өргөдөл (УБ-12 маягт) – маягтыг үнэн зөв бөглөж, шаардлагатай хавсралтын хамт ирүүлэх; https://burtgel.gov.mn/service/index.php/les-newlist/download Улсын тэмдэгтийн хураамж төлсөн баримт; Эцсийн өмчлөгч нь гадаадын иргэн бол паспортын хуулбар болон F-регистр бүхий оршин суух зөвшөөрлийн үнэмлэхийн хуулбар; Үргэлжилсэн хэлхээ холбоо бүхий гадаадын хуулийн этгээдтэй бол тухайн улсын эрх бүхий байгууллагаар баталгаажуулсан хуулийн этгээдийн гэрчилгээний хуулбар, түүний орчуулгын баталгаажуулсан хувь. Амжилт хүсье! Эх сурвалж: УБЕГ

Эрхэм захирлууд, санхүүгийн эмч нар минь та бүхэн татварын өрөө төлөхөөр зэхэж байна уу. Анхаарлаа нэг хандуулаарай. Таны төлөх татвар том дүнгээр үүсэн байгаа шүү дээ харин өөрийнхөө боломжоор бага хэмжээгээр төлөх тохиолдолд хэрхэн "Урьдчилсан төлбөрийн нэхэмжлэх" үүсгэх талаар оруулж байна. Хөнжлийн хэрээрээ хөлөө жийнэ гэхдээ татвараа бага багаар төлнө шүү. Дарааллыг оруулья: Та татвараа бага дүнгээр нэхэмжлэх үүсгэн төлөөд байгаарай. Амжилт Манайхаан. Эх сурвалж. МТА

Өнөөдөр бүгдээрээ Хоршоо гэж юу болох, яагаад ХЗХ-ноос ялгаатай, ямар санхүү, татварын тайлан гаргаж байгаа, мөн ямар санхүүгийн тайлангийн тодруулга, дансны жагсаалтын талаар тодорхой хүрээний мэдлэгтэй болцгооно. Хоршооны хуулинд зааснаар: 4.1.1."хоршоо" гэж Иргэний хуулийн 36.4-т заасан " Эдийн засгийн болон нийгэм, соёлын нийтлэг хэрэгцээгээ хангах зорилгоор хэд хэдэн этгээд сайн дураараа нэгдсэн, хамтын удирдлага, хяналт бүхий дундын эд хөрөнгө дээр үндэслэн үйл ажиллагаа явуулахаар байгуулсан" хуулийн этгээдийг ; 4.1.2."хоршооны гишүүн" гэж хоршооны дүрэмд заасан хэмжээгээр хоршоонд хувь хөрөнгө оруулсан, 16 насанд хүрсэн иргэнийг, дундын хоршооны тухайд хоршоо, хуулийн этгээдийг; 4.1.3."хоршооны бараа, бүтээгдэхүүн" гэж хоршоо, хоршооны гишүүний бэлтгэсэн түүхий эд, хагас боловсруулсан болон эцсийн бүтээгдэхүүнийг; 4.1.4."хоршооны гишүүнд төлөх төлбөр" гэж хоршоо гишүүнийхээ бараа, бүтээгдэхүүнийг худалдан борлуулсан, оюуны өмчийг ашигласны дараа түүнд төлөхөөр тохиролцсон хэлцлийн үнийн дүнг; 4.1.5."хоршооны зуучлалын орлого" гэж хоршооны гишүүний бараа, бүтээгдэхүүнийг зуучлан борлуулсан орлогоос борлуулалтын үйл ажиллагаатай холбогдсон зардал, хоршооны гишүүнд төлөх төлбөрийг хассан дүнг; 4.1.6."болзошгүй эрсдэлээс хамгаалах сан" гэж хоршоонд учирч болох эрсдэлээс хамгаалах зорилгоор энэ хууль болон хоршооны дүрэмд заасны дагуу хоршооны борлуулалтын орлогоос хуримтлуулах мөнгөн хөрөнгийг; 4.1.7."хоршооны гишүүнд ногдох орлого" гэж хоршооны борлуулалтын орлогоос болзошгүй эрсдэлээс хамгаалах сан, хоршооны гишүүнд төлөх төлбөр болон борлуулалтын үйл ажиллагаатай холбогдсон бусад зардлыг хасаж, албан татвар төлсний дараах орлогоос хоршооны гишүүний оруулсан хувь хөрөнгө, оролцоонд ногдох хэмжээгээр хуваарилах хөрөнгийг. Мөн хуулийн: 6.2.Анхан шатны хоршоог ес ба түүнээс дээш иргэн хамтран байгуулж болно. 8.1.Хоршоог үүсгэн байгуулагчид хоршоо үүсгэн байгуулах талаар гэрээ байгуулж, уг гэрээнд хоршооны зорилго, үүсгэн байгуулагчдын оруулах хувь хөрөнгийн хэмжээ, эрх, үүрэг, хариуцлага зэргийг тусгана. 9.1.Хуулийн этгээдийн улсын бүртгэлийн тухай хуульд заасны дагуу хоршоог үүсгэн байгуулагч хоршоо байгуулах тухай шийдвэр гарснаас хойш 30 хоногийн дотор улсын бүртгэлийн байгууллагад бүртгүүлнэ. 14.5.Хүсэлт гаргагч нь бүх гишүүдийн хурлын шийдвэрийг үндэслэн хоршооны дүрэмд заасан хэмжээгээр хоршооны гишүүний элсэлтийн хураамжийг төлж, хувь хөрөнгөө хоршоонд оруулснаар хоршооны гишүүний эрх баталгаажна. 24.1.Хоршооны гишүүн хоршоонд эд хөрөнгө, мөнгөн хөрөнгө, хөдөлмөр оролцоо, ажил, үйлчилгээ, оюуны өмчийн хэлбэрээр хувь хөрөнгө оруулж болно. 24.2.Хоршооны гишүүний хоршоонд оруулах хувь хөрөнгийн дээд хэмжээ тухайн анхан шатны хоршооны өөрийн хөрөнгийн 15 хувь, дундын хоршооны өөрийн хөрөнгийн 49 хувиас хэтрэхгүй байна. Хоршооны орлого: Орлого гэж гишүүний оруулсан хувь оролцоотой холбоогүй байдлаар өмчийг нэмэгдүүлэх үр дүн бүхий хөрөнгийн гүйлгээний буюу сайжруулалт, эсхүл өр төлбөрийн бууралт хэлбэрээр тухайн тайлант үед үүссэн эдийн засгийн үр өгөөжийн өсөлтийг хэлнэ. 1/Борлуулалтын орлого; 2/Хоршооны зуучлалын орлого; 3/Түрээсийн орлого 4/Хүүгийн орлого 5/Ногдол ашгийн орлого З/Бусад орлого; 4/Олз; Хоршооны зардал: Зардал гэж өмч эзэмшигчдэд олгосон хуваарилалттай холбоогүй байдлаар өмчийг багасгах үр дүн бүхий хөрөнгийн зарлагын гүйлгээ буюу хорогдон багасалт, эсхүл өр төлбөрийн үүсэлт хэлбэрээр тухайн тайлант үед үүссэн эдийн засгийн үр өгөөжийн бууралтыг хэлнэ.  1/Борлуулсан бүтээгдэхүүний өртөг 2/Борлуулалт маркетингийн зардал 3/Ерөнхий удирдлагын зардал 4/Санхүүгийн зардал 5/Болзошгүй эрсдлээс хамгаалах сангийн зардал 6/ Бусад зардал; 7/Гарз; Мөн хуулийн 22 дугаар зүйл "Хоршооны өөрийн хөрөнгө" 22.1.1.хоршооны гишүүний оруулсан хувь хөрөнгө; 22.1.2.хоршоонд бэлэглэсэн, хандивласан болон буцалтгүй тусламжийн хэлбэрээр өгсөн хөрөнгө; 22.1.3.болзошгүй эрсдэлээс хамгаалах санд хуваарилсан хөрөнгө; 22.1.4.хоршооны хөгжлийн санд төвлөрүүлсэн хөрөнгө; 22.1.5.хоршооны ашиг, алдагдал. Мөн хуулийн 24 дугаар зүйл "Хоршоонд гишүүний оруулсан хувь хөрөнгө" 24.1.Хоршооны гишүүн хоршоонд эд хөрөнгө, мөнгөн хөрөнгө, хөдөлмөр оролцоо, ажил, үйлчилгээ, оюуны өмчийн хэлбэрээр хувь хөрөнгө оруулж болно. 24.2.Хоршооны гишүүний хоршоонд оруулах хувь хөрөнгийн дээд хэмжээ тухайн анхан шатны хоршооны өөрийн хөрөнгийн 15 хувь, дундын хоршооны өөрийн хөрөнгийн 49 хувиас хэтрэхгүй байна. 24.3.Хоршооны гишүүний хоршоонд оруулах хувь хөрөнгийн хэлбэр, хэмжээг хоршооны дүрмээр энэ хуулийн 24.2-т заасны дагуу тогтооно. 24.4.Хоршооны эд хөрөнгөөс хоршооны гишүүнд оногдох хувь нь гишүүний оруулсан нийт хувь хөрөнгө, тухайн гишүүнд ногдох хоршооны жилийн ашиг, алдагдлын зөрүүг тооцсон дүнтэй тэнцүү байна. 32 дугаар зүйл.Бүх гишүүдийн хурал хуралдах хугацаа, газар 32.1.Бүх гишүүдийн хурлыг санхүүгийн жил дууссанаас хойш зургаан сарын дотор хуралдуулна. 32.2.Шаардлагатай гэж үзвэл бүх гишүүдийн хурлыг хэдийд ч зарлан хуралдуулж болно. 32.3.Бүх гишүүдийн хурлыг өөр газар хуралдуулахаар товлоогүй бол хоршооны төв оршин байгаа газар хуралдуулна. Хоршооны тухай хууль 2021 оны 05 дугаар сарын 06-ний өдөр батлагдан өнөөдрийг хүртэл хэрэгжиж байгаа Хоршооны хуулийг файлаар оруулсан хараарай. За одоо санхүүгийн үйл ажиллагаатай холбоотой Сангийн сайдын 2022 оны 08 дугаар сарын 01-ны өдрийн А/155 тоот тушаалын хавсралтаар батлагдсан " Хоршооны нягтлан бодох бүртгэлийн журам" -ыг хавсралт ёсоор шинэчлэн баталж 2022 оны 08 дүгээр сарын 01-нээс эхлэн мөрдүүлэх, хяналт тавих ажлыг Нягтлан бодох бүртгэлийн бодлогын газар т үүрэг болгосон байна. Журамд: Хоршооны нягтлан бодох бүртгэлийн журам Хоршооны санхүүгийн тайлан, тодруулгын бэлтгэх заавар Санхүүгийн тайлангийн А маягт Нягтлан бодох бүртгэлийн дансны жагсаалт Хоршооны нягтлан бодох бүртгэлийн журам Хоршооны санхүүгийн тайлан, тодруулгын бэлтгэх заавар Санхүүгийн тайлангийн А маягт Хоршоологч нараа амжилт. Эх сурвалж: Legalinfo .

Өнөөдөр Татварын Ерөнхий хуулиас татварын хөнгөлөлт, чөлөөлөлтийн тухай мэдээлэл оруулж байна. Татварын хөнгөлөлт, чөлөөлөлт дараах хэлбэртэй ногдуулсан татварыг хорогдуулах; татварын хувь, хэмжээг бууруулах; тогтоосон доод хэмжээнд хүрээгүй орлого, хөрөнгө, бараа, ажил, үйлчилгээг татвараас чөлөөлөх; татвар төлөгчийг татвараас чөлөөлөх; татвар ногдох зүйлийн зохих хэсгийг татвараас чөлөөлөх; татварын хууль тогтоомжид заасан бусад. Татварын хөнгөллөт, чөлөөлөлт гэж юуг хэлэх вэ? Хувь хүн, байгууллагын өмч хөрөнгө, орлого, тухайн гүйлгээнд ноогдох татварыг бууруулах эсвэл хасахыг татварын чөлөөлөлт гэдэг. Дараах хөнгөлөлтийг эдэлнэ: Хувь хүн : Доор дурдсан бүтээгдэхүүн үйлдвэрлэсэн болон тариалсан Монгол Улсад байнга оршин суугч албан татвар төлөгчийн зөвхөн тухайн үйлдвэрлэлээс олсон орлогод ногдуулах албан татварыг 50 хувиар хөнгөлнө үр тариа; төмс, хүнсний ногоо, түүний үр; жимс, жимсгэнэ, түүний үр, суулгац; тэжээлийн ургамал; модны суулгац. Орон сууцны хөнгөлөлт Монгол Улсын иргэн өөрийн албан татвар ногдсон орлого болон банк, санхүүгийн байгууллагаас авсан зээлийн хөрөнгөөр амьдран суух зориулалтаар зөвхөн хувьдаа, анх удаа орон сууцны барилга барьсан, эсхүл орон сууц худалдан авсан бол ийнхүү орон сууцны барилга барьсан, эсхүл орон сууц худалдан авахад зарцуулсан хөрөнгөтэй тэнцэх хэмжээний орлогод ногдох албан татварын хөнгөлөлтийг уг албан татвар төлөгчид эдлүүлэх бөгөөд энэ хөнгөлөлтийн хэмжээ 6 сая төгрөг хүртэл байна. Сургалтын төлбөрийн хөнгөлөлт Монгол Улсын иргэн албан татвар төлөгчийн төрсөн, дагавар, үрчилж авсан хүүхэд болон асран хамгаалагчаар тогтоогдсон асрамж, дэмжлэгт байгаа хүүхэд гадаад, дотоодын их, дээд сургууль, коллеж, мэргэжлийн болон техникийн боловсролын сургуульд оюутан, эсхүл суралцагчаар элсэн суралцаж байгаа тохиолдолд  түүний анхны бакалаврын болон дипломын мэргэжил эзэмших сургалтын хугацаанд тухайн татварын жилд төлсөн, баримтаар нотлогдож байгаа сургалтын төлбөртэй тэнцэх орлогод ногдох албан татварын хөнгөлөлтийг эдлүүлнэ. Монгол Улсын иргэн суралцаж байх хугацаандаа  хөдөлмөр эрхлэлтийн орлогоосоо албан татвар төлж, улмаар сургалтын төлбөр төлсөн их, дээд, мэргэжлийн болон техникийн боловсролын сургууль, коллежид анхлан суралцагчийг ХХОАТТ хуулийн 23.5-д заасан хөнгөлөлтөд хамруулна. Бусад хөнгөлөлт Албан татвар төлөгч өөрийн хэрэгцээнд зориулан нар, салхи, газрын гүний дулааны болон бусад сэргээгдэх эрчим хүчний тоног төхөөрөмж, нүүрснээс хагас коксон түлш, хийн болон шингэн түлш гарган авах тоног төхөөрөмж, стандартад нийцсэн зуух, нам даралтын зуух, дулаалгын материал, цахилгаан болон хийн халаагуур худалдан авсан бол баримтаар нотлогдож байгаа төлбөртэй тэнцэх тухайн жилийн орлогод ногдох албан татварын хөнгөлөлтийг эдлүүлнэ. Соёлын өвийг хамгаалах, сэргээн засварлахад зориулж өгсөн баримтаар нотлогдож байгаа хандивтай тэнцэх тухайн жилийн орлогод ногдох албан татварын хөнгөлөлтийг албан татвар төлөгчид эдлүүлнэ. Албан татвар төлөгчийн дараах орлогод ногдох албан татварт хөнгөлөлт эдлүүлнэ: - донорын олговор; - даатгалын нөхөн төлбөр; - Монгол Улсын төрийн шагнал, Засгийн газрын шагнал, Монгол Улсын ардын болон гавьяат цолтны шагнал, шинжлэх ухааны нээлтийн шагнал. Аймаг, сумын төв нь нийслэл Улаанбаатар хотоос 500 км-ээс хол алслагдсан аймаг, суманд оршин суудаг, тухайн орон нутагт бүртгэлтэй Монгол Улсын иргэн албан татвар төлөгчийн энэ хуулийн 6.3.2-т заасан орлогод ногдох албан татварыг аймаг, сумын төв нь нийслэл Улаанбаатар хотоос 500 км-ээс хол алслагдсан аймаг, суманд 50 хувиар, 1000 км-ээс хол алслагдсан аймаг, суманд 90 хувиар хөнгөлнө. Албан татвар төлөгчийн ажил олгогчтой байгуулсан хөдөлмөрийн гэрээнд заасны дагуу авч байгаа үндсэн цалин, нэмэгдэл хөлс, нэмэгдэл, шагнал, урамшуулал, амралтын олговор, тэтгэвэр, тэтгэмж, тэдгээртэй адилтгах бусад орлого, ажил олгогчоос ажилтан, түүний гэр бүлийн гишүүнд олгосон тэтгэмж болон түүнтэй адилтгах орлого, ажил олгогчоос ажилтан, түүний гэр бүлийн гишүүнд өгсөн бэлэг, төлөөлөн удирдах зөвлөл, хяналтын зөвлөл, орон тооны бус зөвлөл болон бусад зөвлөл, хороо, ажлын хэсгийн гишүүний цалин хөлс, шагнал, урамшуулал, тэдгээртэй адилтгах орлого, гадаад, дотоодын аж ахуйн нэгж, байгууллага, иргэн болон бусад этгээдээс өгсөн бүх төрлийн шагнал, урамшуулал, тэдгээртэй адилтгах орлого, хоол, унааны мөнгө зэрэг орлогод ногдуулах жилийн албан татварт дараах хэмжээгээр албан татварын хөнгөлөлт эдлүүлнэ. Дараах орлогыг албан татвараас чөлөөлнө. хууль тогтоомжид тусгайлан заасны дагуу олгож байгаа тэтгэвэр, тэтгэмж, төлбөр, үзүүлж байгаа хөнгөлөлт, нөхөн олговор болон нэг удаагийн буцалтгүй тусламж; хөгжлийн бэрхшээлтэй хувь хүний орлого; гамшгийн үед олон улсын байгууллага, гадаад улсын Засгийн газар, хуулийн этгээд, иргэнээс Монгол Улсын Засгийн газар болон орон нутгийн байгууллага, хуулийн этгээд, иргэнд үзүүлж байгаа тусламж; Засгийн газар, Монгол Улсын Хөгжлийн банкны өрийн бичиг /бонд/-ийн төлбөр, хүү, анз; Гэр бүлийн тухай хуулийн 3.1.4-т заасан этгээд хоорондоо газар эзэмших, ашиглах эрхийн гэрчилгээгээ үнэ төлбөргүйгээр шилжүүлэх замаар олсон орлого; нэмэгдсэн өртгийн албан татварын урамшууллын орлого; Монгол Улсад суугаа гадаад улсын дипломат төлөөлөгчийн болон консулын газар, Нэгдсэн Үндэстний Байгууллага, түүний төрөлжсөн салбарт томилогдон ажиллаж байгаа гадаадын иргэн, түүний гэр бүлийн гишүүн нь Монгол Улсад байнга оршин суугч албан татвар төлөгч хувь хүний цалин, нэмэгдэл; Монгол Улсад суугаа гадаад улсын дипломат төлөөлөгчийн болон консулын газар, Нэгдсэн Үндэстний Байгууллага, түүний төрөлжсөн салбарт томилогдон ажиллаж байгаа гадаадын иргэн, түүний гэр бүлийн гишүүн нь Монгол Улсад байнга оршин суугч албан татвар төлөгч гадаадын иргэн, түүний гэр бүлийн гишүүний гадаад улсад олсон орлого. Эх сурвалж: МТА.mn

Татварын Ерөнхий хуулийн 6.1- д татварын хуулийн нэр томъёоны тодорхойлолтуудын талаар оруулья. "ажил гүйлгээний ашиг хуваах арга" гэж хяналтад байгаа ажил гүйлгээний ашгийг тухайн ажил гүйлгээнд оролцсон харилцан хамаарал бүхий талуудад эдийн засгийн үндэслэлтэй хуваарилж, түүнтэй харьцуулагдах бие даасан ажил гүйлгээний ашгийн түвшинтэй харьцуулан тухайн хяналтад байгаа ажил гүйлгээний нөхцөл, үнийг тодорхойлохыг "ажил гүйлгээний цэвэр ашгийн арга" гэж хяналтад байгаа ажил гүйлгээний цэвэр ашгийн түвшний үзүүлэлтүүдийг түүнтэй харьцуулагдах бие даасан ажил гүйлгээний цэвэр ашгийн түвшний үзүүлэлтүүдтэй харьцуулан тухайн хяналтад байгаа ажил гүйлгээний нөхцөл, үнийг тодорхойлохыг "бодит үнэ тодорхойлох зарчим" гэж харилцан хамааралтай этгээд хооронд хийсэн ажил гүйлгээний нөхцөл татварын зорилгоор түүнтэй харьцуулж болох бие даасан ажил гүйлгээний нөхцөлөөс ялгаатай байгаагаас татварын суурь багассан бол тухайн ажил гүйлгээний бодит үнийг тодорхойлж, татварын ногдолд тохируулга хийхийг "үнэ шилжилтийн тохируулга хийх арга" гэж бодит үнэ тодорхойлох зарчмын дагуу харилцан хамаарал бүхий этгээд хооронд хийгдсэн бараа, ажил, үйлчилгээний нөхцөл, үнийг тодорхойлохыг "дамжуулан борлуулах үнийн арга" гэж хяналтад байгаа ажил гүйлгээний нийт ашгийн түвшинг түүнтэй борлуулалтын орлогын хувьд харьцуулагдах бие даасан ажил гүйлгээний нийт ашгийн түвшинтэй харьцуулан тухайн хяналтад байгаа ажил гүйлгээний нөхцөл, үнийг тодорхойлохыг "дотоод харьцуулалт хийх ажил гүйлгээ" гэж татвар төлөгчийн харилцан хамааралтай этгээдтэй хийсэн ажил гүйлгээ болон бие даасан этгээдтэй хийсэн ажил гүйлгээг "жишиг үнийн арга" гэж татвар төлөгчтэй ойролцоо хүчин чадал, нөхцөл бүхий адилтгах үйл ажиллагаа эрхэлж байгаа этгээдийн үйл ажиллагаа, орлого, зарлагын болон бусад бодит тооцоонд үндэслэн татварын ногдлыг тодорхойлохыг, тийм татвар төлөгч байхгүй бол татварын алба өөрт байгаа мэдээллийг үндэслэн татварын ногдлыг тодорхойлохыг "өртөг дээр нэмэх арга" гэж хяналтад байгаа ажил гүйлгээний нийт ашгийн түвшинг түүнтэй зардлын бүтцийн хувьд харьцуулагдах бие даасан ажил гүйлгээний нийт ашгийн түвшинтэй харьцуулан тухайн хяналтад байгаа ажил гүйлгээний нөхцөл, үнийг тодорхойлохыг "тодорхой бизнесийн зорилгогүй татварын үйлдэл" гэж төлөх татварын хэмжээг багасгах, татвар төлөхөөс зайлсхийх болон татвар төлөх хугацааг хойшлуулсан ажил гүйлгээ хийх, төлөвлөн гүйцэтгэх татвар төлөгчийн үйлдлийг "харьцуулагдах байдлын шинжилгээ" гэж харилцан хамаарал бүхий этгээдүүдийн хооронд хийгдсэн ажил гүйлгээний нөхцөлийг харилцан хамааралгүй этгээдүүдийн хооронд хийсэн ажил гүйлгээний нөхцөлтэй харьцуулан ялгаатай хүчин зүйлсийн нөлөө, зөрүүг арилгаж үнэн зөв залруулга хийх шинжилгээний аргыг "харьцуулагдах бие даасан үнийн арга" гэж хяналтад байгаа ажил гүйлгээний үнэ болон үнэд нөлөөлөгч хүчин зүйлсийг түүнтэй харьцуулагдах, бие даасан ажил гүйлгээний үнэ болон үнэд нөлөөлөгч хүчин зүйлстэй харьцуулан тодорхойлохыг "хяналтад байгаа ажил гүйлгээ" гэж харилцан хамааралтай этгээд хооронд хийгдсэн ажил гүйлгээг "бие даасан ажил гүйлгээ" гэж харилцан хамааралгүй этгээд хооронд хийсэн ажил гүйлгээг "эдийн засгийн өгөөж олох" гэж үйл ажиллагааны үр дүнг дээшлүүлэх, зардал хэмнэх, хүлээн авагчийн үйл ажиллагааны зардал, хугацааг багасгах замаар ашиг буюу ашигт ажиллагааг дээшлүүлсэн байхыг "эцсийн эзэмшигч" гэж ашигт малтмал, газрын тос, цацраг идэвхт ашигт малтмалын тусгай зөвшөөрөл, газар эзэмших, ашиглах эрх эзэмшигч этгээдийн 30 болон түүнээс дээш хувийн хувьцаа, хувь оролцоо, эсхүл саналын эрхийг өөрөө, эсхүл нэг болон түүнээс дээш үргэлжилсэн хэлхээ холбоо бүхий хуулийн этгээдээр төлөөлүүлэн эзэмшдэг, саналын эрхийг төлөөлүүлэн хэрэгжүүлдэг, эсхүл ногдол ашгийг хүлээн авах эрхтэй этгээдийг. “тогтворжуулах татварын орчин” гэж татварын хувь, хэмжээ, элэгдэл, хорогдол тооцох хугацаа, татварын тайлангаар гарсан алдагдлыг ирээдүйд шилжүүлэн тооцох хугацааг Эх сурвалж: Татварын Ерөнхий Хууль

Компанийн тухай хуулийн 46.5 " Төлөөлөн удирдах зөвлөл нь санхүүгийн жил дууссанаас хойш 50 хоногийн дотор ногдол ашиг хуваарилах эсэх талаар хэлэлцэн шийдвэрлэсэн байна"  -д заасны дагуу хэзээ ногдол ашгаа тарааж эхлэх, нэгж хувьцаанд ногдох ашгийн хэмжээ мөн нийт олгох ногдол ашгийн хэмжээ зэргийг , хэдэн төгрөг хувиарлах талаар хэлэлцэн шийдвэрлэж, гаргасан шийдвэрээ СЗХ-д илгээх үүрэгтэй. СЗХ-ны мэдээлснээр " ... нийт 86 хувьцаат компаниас ногдол ашиг хуваарилах эсэх талаарх шийдвэрээ ирүүлснээс 47 хувьцаат компани буюу нийт хувьцаат компанийн 54.66 хувь нь 946.54 тэрбум төгрөгийн ногдол ашиг хуваарилахаар шийдвэрлэсэн бол 39 хувьцаат компани буюу 45.34 хувь нь ногдол ашиг хуваарилахгүй байхаар шийдвэрлэсэн байна" . Сүүлийн 6 жилийн байдлаар 3 их наяд 56 тэрбум төгрөгийг ногдол ашиг хэлбэрээр 62 ХК ногдол ашиг хувиарласан байна. 2026 онд: 2025 онд: 2024 онд: 2023 онд: 2022 онд: 2021 онд: Эх сурвалж: СЗХ

Өдрийн мэндээ. 2 хоногийн өмнө санхүү, татварын тайлангаа хүлээлгэн өгч их ажлынхаа ард гарч байна уу САНХҮҮГИЙН ЭМЧ нар минь. Одоо дараагийн ажил санхүү бүх файлаа цэгцлэх, архивлах, хадгалах ажилдаа орцгоож байна уу. Өнөөдөр бидэнд нэг асуулт ирсэн нь СӨХ-ны нягтлан бодогч би ажлаа хүлээн авахад юуг анхаарах, юу авах, цаашид би яг юуг яаж хийвэл асуудал багатай ямар хялбар, стандартын дагуу байх вэ мөн цагаа яаж зөв зарцуулах вэ гэсэн асуулт ирсэн. Түүнд би хариулт өгч эхний ээлжинд өмнөх нягтлан бодогчоосоо юу хүлээн авах ёстой талаар ажил хүлээлцах актыг оруулж байна. PDF хуулбараар орууллаа. Амжилт. Асуувал хариулт өгөхөд бэлэн байгаа шүү. Манай баг хамт олон.

Санхүүчид маань 2025 оныхоо санхүүгийн тайлангаа илгээхээр цэхэж байна уу. Энэ линкээр ороод санхүүгийн тайлангаа оруулна. https://ebalance.mof.gov.mn Алхам 1-3. Алхам 4-6: Алхам 7-8: Алхам 9: Тодруулгыг ингээд бөглөж болно шүү: 1 Тайлан бэлтгэх үндэслэл : Санхүүгийн тайлан дахь толилуулга ба ангилалыг нэг үеэс дараагийн үед тогтвортой хадгална. 2 Нягтлан бодох бүртгэлийн бодлогын өөрчлөлт : Тайлант хугацаанд өөрчлөлт ороогүй болно. 3.1 Тэмдэглэл(Мөнгө түүнтэй адилтгах хөрөнгөтэй холбоотой тайлбар, тэмдэглэлийг хийнэ.) : Эдгээр хөрөнгийг нэрлэсэн үнээр бүртгэсэн болно. 4.4 Тэмдэглэл: (Дансны авлагыг төлөгдөх хугацаандаа байгаа, хугацаа хэтэрсэн, төлөгдөх найдваргүй гэж ангилна. Найдваргүй авлагын хасагдуулга байгуулсан арга, гадаад валютаар илэрхийлэгдсэн авлагын талаар болон бусад тайлбар, тэмдэглэлийг хийнэ.) : Дансны авлагыг цэвэр боломжит үнэ цэнээр буюу мөнгөөр хүлээн авахаар тооцоолж буй дүнгээр нь харуулсан болно. 6.1 Тэмдэглэл: (Бараа материалын өртгийг тодорхойлоход ашигласан арга, бараа материалын бүртгэлийн систем, өртөг болон цэвэр боломжит үнийн аль багыг сонгох аргын талаар тайлбар, тэмдэглэл хийнэ.) : Бараа материалын өртөгт худалдан авалтын өртөг, хувиргалтын зардал болон одоогийн байршил ба нөхцөлд бараа материалыг авчрахтай холбоотой гарсан зардлууд орсон. 7 Борлуулах зорилгоор эзэмшиж буй эргэлтийн бус хөрөнгө /эсвэл борлуулах бүлэг хөрөнгө/ болон өр төлбөр : Борлуулах зорилгоор эзэмшиж байгаа эргэлтийн хөрөнгийг бүртгэсэн болно. 9.1 Тэмдэглэл(Үндсэн хөрөнгийн анги бүрийн хувьд ашигласан хэмжилтийн суурь, элэгдэл тооцох арга, ашиглалтын хугацаа, дахин үнэлсэн бол дахин үнэлгээ хүчинтэй болсон хугацаа, хараат бус үнэлгээчин үнэлсэн эсэх талаар, үндсэн хөрөнгийн дахин ангилал, түүний шалтгаан, бусад тайлбар тэмдэглэлийг хийнэ.) : Үндсэн хөрөнгийг хуримтлагдсан элэгдэл, хуримтлагдсан үнэ цэнийн бууралтыг хассан цэвэр дүнгээр бүртгэсэн болно. 10.1 Тэмдэглэл(Биет бус хөрөнгийн анги бүрийн хувьд ашигласан хэмжилтийн суурь, хорогдол тооцох арга, ашиглалтын хугацаа, дахин үнэлсэн бол дахин үнэлгээ хүчинтэй болсон хугацаа, хараат бус үнэлгээчин үнэлсэн эсэх, бусад биет бус хөрөнгийн бүрэлдэхүүн болон бусад тайлбар тэмдэглэлийг хийнэ.) : Биет бус хөрөнгийг хуримтлагдсан хорогдол, хуримтлагдсан үнэ цэнийн бууралтыг хассан дансны цэвэр дүнгээр бүртгэсэн. 12.1 Тэмдэглэл( Биологийн хөрөнгийн хэмжилтийн суурь болон бусад тайлбар, тэмдэглэлийг хийнэ.) : Одоогоор манай байгуулагад бүртгэлтэй биологийн хөрөнгө бүртгэгдээгүй байна. /эсвэл .. бүртгэсэн/ 14 Хөрөнгө оруулалтын зориулалттай үл хөдлөх хөрөнгө : Хөрөнгө оруулалтын зориулалттай үл хөдлөх хөрөнгийг анхны өртгөөр бүртгэнэ. 16.4.1 Тэмдэглэл(Урт хугацаат нөөцийн дүнг тодруулна. Нөөцийн төрлөөр тайлбар, тэмдэглэл хийнэ. ) : Өнгөрсөн үйл явдлын дүнд үүрэг хариуцлагыг төлөх магадлалтай, төлбөрийн дүнг тооцоолох боломжтой болсон үед нь нөөц гэж хүлээн зөвшөөрнө. 16.5.1 Тэмдэглэл. Улсын байгууллага ангилалд Төрийн болон орон нутгийн өмчит байгууллагатай холбоотой өр болон татварын өрийг оруулна. *Гадаадын байгууллагад төлөх өртэй бол тайлбар хэсэгт зээлдэгчийн нэр, зээлийн зориулалтыг товч байдлаар оруулна . : Улсын байгууллагын өр төлбөрт татвар болон НД-ийн өрийн үлдэгдлийг оруулан бүртгэж байна. 16.6.1 Тэмдэглэл. * Улсын байгууллага ангилалд Төрийн болон орон нутгийн өмчит байгууллагатай холбоотой өр болон татварын өрийг оруулна . : Одоогоор энэ өр төлбөрийн мэдээлэл бүртгэгдээгүй байна. 17.4 Тэмдэглэл(Эздийн өмчийн бусад хэсгийн бүрэлдэхүүн тус бүрээр тодруулж тайлбар, тэмдэглэл хийнэ. ) : Одоогоор энэ дансанд бүртгэл алга байна. /эсвэл.... бүртгэсэн байна/ 21.2 Тэмдэглэл. (Орлогын татварын зардал (орлого) - ын бүрэлдэхүүн тус бүрээр тайлбар, тэмдэглэл хийнэ). : Тайлант үеийн татварын зардалд нийтлэг болон тусгай хувь хэмжээгээр ногдуулсан болно. 23 Болзошгүй хөрөнгө ба өр төлбөр : Тайлант хугацаанд гүйлгээ гараагүй болно. 24 Тайлагналын үеийн дараах үйл явдал: Тайлангийн өдрийн дараах үл залруулагдах үйл явдлын материаллаг ангилал тус бүрийн хувьд мөн чанар, санхүүгийн нөлөөллийн тооцооллыг тодруулдаг. Амжилт: Асууж тодруулж болно. Хариулт өгөхөд бэлэн .

Нийгмийн даатгалын тухай хуулийн 21.1 Ажил олгогч даатгуулагч ийн цалин хөлс, түүнтэй адилтгах орлогоос нийгмийн даатгалын шимтгэлийг сар бүр тооцон суутгаж, ажил олгогчийн цалин хөлсний сан, түүнтэй адилтгах орлогоос тооцсон шимтгэлийн хамт тухайн сард багтаан нийгмийн даатгалын санд төлнө. Мөн хуулийн 21.20. Сайн дураар даатгуулагч энэ хуулийн 19.1.7-д заасан орлогоос сайн дураар даатгуулах гэрээгээр тохирсон хугацаанд нийгмийн даатгалын шимтгэлийг нийгмийн даатгалын зохих санд төлнө. Сайн дурын даатгуулагч бол : Хөдөлмөрийн хөлсний хэмжээ буюу 792,000 төгрөгөөс 13.5 хувиар бодож 106,920 төгрөгийг өөрөө төлнө. 18 хүртэлх насны хөгжлийн бэрхшээлтэй хүүхдээ асарч буй ажил хөдөлмөр эрхлээгүй эцэг/эх-ийн сайн дурын даатгуулагч бол : Хөдөлмөрийн хөлсний хэмжээ буюу 792,000 төгрөгөөс 2 хувиар бодож 15,840 төгрөгийг өөрөө төлнө. 0-3 насны хүүхдээ асарч байгаа ээжийн сайн дурын даатгуулагч бол : Хөдөлмөрийн хөлсний хэмжээ буюу 792,000 төгрөгөөс 7.25 хувиар бодож 57,420 төгрөгийг өөрөө төлнө. Малчин даатгуулагч бол : Хөдөлмөрийн хөлсний хэмжээ буюу 792,000 төгрөгөөс 7.75 хувиар бодож 61,380 төгрөгийг өөрөө төлнө. Хүүхдээ асрах чөлөөтэй байгаа аж ахуйн нэгж, байгууллагын ажилтан эх/эцэг даатгуулагч бол : Хөдөлмөрийн хөлсний хэмжээ буюу 792,000 төгрөгөөс 9.5 хувиар бодож 75.240 төгрөгийг байгууллага төлнө таны өмнөөс. Жирэмсэн болон амаржсаны амралттай байгаа ажилтан бол : Хөдөлмөрийн хөлсний хэмжээ буюу 792,000 төгрөгөөс 12.5 хувиар бодож 99,000 төгрөгийг байгууллага төлнө таны өмнөөс. Ажил олгогчийн захиалгаар суралцаж байгаа ажилтан, төрийн албан хаагч даатгуулагч бол : Хөдөлмөрийн хөлсний хэмжээ буюу 792,000 төгрөгөөс 9.5 хувиар бодож 75.240 төгрөгийг байгууллага төлнө таны өмнөөс. Нэг ба түүнээс дээш сарын хугацаагаар хөдөлмөрийн чадвараа алдсан ажилтан даатгуулагч бол : Хөдөлмөрийн хөлсний хэмжээ буюу 792,000 төгрөгөөс 12.5 хувиар бодож 99,000 төгрөгийг байгууллага төлнө таны өмнөөс. Улирлын шинжтэй ажил үүргийг байнга эрхэлдэг ажилтан/ажил зогссон үеийн даатгуулагч бол : Хөдөлмөрийн хөлсний хэмжээ буюу 792,000 төгрөгөөс 12.5 хувиар бодож 99,000 төгрөгийг байгууллага төлнө таны өмнөөс. Амжилт. ЭХ сурвалж: Legalinfo

Таньд өнөөдөр ААНОАТ-ын тухай хуулийн 23 дахь заалтуудын тухай мэдээлэл оруулж байна. Монгол Улсад байрладаг албан татвар төлөгчийн гадаад улсад ногдуулан төлсөн албан татварыг албан татвар төлөгчийн тухайн татварын жилийн төлбөл зохих албан татвараас хасаж тооцно. Монгол Улсад байрладаг гадаадын аж ахуйн нэгжид доор дурдсан шалгуураас гурав болон түүнээс дээш нөхцөлийг хангасан гадаадын хуулийн этгээд хамаарна: 1.хувьцаа эзэмшигч, эсхүл өөрийн төлөөллөөрөө дамжуулан хувьцаа эзэмшигчийн эрх, үүргээ шууд болон шууд бусаар хэрэгжүүлдэг хувьцаа эзэмшигчдийн 50-иас дээш хувь нь Монгол Улсад оршин суудаг; 2. тухайн татварын жилийн өмнөх дараалсан дөрвөн жилд хувьцаа эзэмшигчдийн хурлын нийт тооны 50-иас дээш хувь нь Монгол Улсад зохион байгуулагдсан; 3. нягтлан бодох бүртгэл, санхүүгийн баримтыг Монгол Улсад хадгалдаг; 4. төлөөлөн удирдах зөвлөлийн гишүүд, эсхүл өөрийн төлөөллөөрөө дамжуулан төлөөлөн удирдах зөвлөлийн гишүүний эрх, үүргээ шууд болон шууд бусаар хэрэгжүүлдэг этгээдийн 25-аас доошгүй хувь нь Монгол Улсад оршин суудаг; 5. нийт борлуулалтын орлогын 60-аас доошгүй хувийг Монгол Улсад болон Монгол Улсаас эх үүсвэртэй олдог. Хасаж тооцох албан татварын хэмжээг дараах шалгуураар тооцсон дүнгийн аль багаар нь тооцох ба тооцох албан татварын хэмжээг баталгаажуулахдаа гадаад улсын эрх бүхий байгууллагад тайлагнасан татварын тайлан, татварын ногдол, төлөлтийг нотолсон тус байгууллагын албан бичиг, тус байгууллагын үйлдсэн татвар төлснийг нотлох баримт, тодорхойлолтыг үндэслэнэ. Мөн  хасаж тооцох албан татварын хэмжээг харьяалах татварын алба баталгаажуулна. 1.албан татвар төлөгчийн тухайн татварын жилийн төлбөл зохих албан татварын дүн; 2.гадаад улсад ногдуулан төлсөн албан татвар ногдох орлогод Монгол Улсын татварын хуулийн дагуу ногдуулсан тохиолдолд төлбөл зохих албан татварын дүн. Гадаад улстай Монгол Улсын татварын асуудал эрхэлсэн төрийн захиргааны байгууллага харилцан мэдээлэл солилцох эрх зүйн боломжтой байх бөгөөд эдгээр улсуудын жагсаалтыг жил бүрийн сүүлийн улиралд, жагсаалтад өөрчлөлт орсон тохиолдолд ажлын 10 өдөрт багтаан татварын асуудал хариуцсан төрийн захиргааны байгууллага шинэчлэн зарлана. Монгол Улсад байрладаг албан татвар төлөгчийн гадаад улсад төлсөн албан татварыг төлбөл зохих албан татвараас хасаж тооцохгүй бөгөөд дүнг тухайн татварын жилд албан татвар төлөгчийн албан татвар ногдуулан төлсөн гадаад улс бүрээр тусад нь тооцно. 1. гадаад улсад ногдуулан төлсөн боловч буцаан авах боломжтой; 2. гадаад улсад ногдуулан төлсөн албан татварын хүү, торгууль, алданги; 3. Монгол Улсын татварын хууль тогтоомжийн дагуу албан татвар ногдуулахгүй орлогод ногдуулан төлсөн албан татвар Монгол Улсад байрладаг албан татвар төлөгчийн гадаад улсад ногдуулан төлсөн албан татвар тухайн албан татвар төлөгчийн Монгол Улсад төлбөл зохих албан татварын дүнгээс илүү гарсан татварыг буцаан олгохгүй бөгөөд цаашид шилжүүлэн тооцохгүй. Татварын хялбаршуулсан горимоор тайлан гаргасан аж ахуйн нэгж гадаад улсад ногдуулсан албан татварыг төлбөл зохих албан татвараас хасаж тооцохгүй. Гадаад улсад ногдуулан төлсөн албан татварыг төлбөл зохих албан татвараас хасаж тооцуулах хүсэлт гаргах, тооцооны маягтын загвар батлах, баталгаажуулах журмыг татварын асуудал хариуцсан төрийн захиргааны байгууллагын дарга батална. Эх сурвалж: MTA.mn