Хайлт

За өнөөдөр татварын төрөл нэмэх талаар зурган хэлбэрээр орууллаа. Би өнөөдөр НӨАТ төлөгч болохоор хүсэлт гаргасан гэвэл: Алхам 1: Алхам 2: Алхам 4: Татварын төрөл: Энэ тоон мэдээлэл татварын авлага, өглөгөө тооцоолоход тун хэрэгтэй шүү. Амжилт Манайхаан. Эх суррвалж: MTA.mn

Аж ахуй нэгжийн орлогын албан татварын тухай хуулинд тодорхойлсноор: "аж ахуйн нэгж" гэж улсын бүртгэлд бүртгэгдэж, аж ахуйн үйл ажиллагаа эрхэлж байгаа компани нөхөрлөл хоршоо төрийн болон орон нутгийн өмчит аж ахуйн тооцоотой үйлдвэрийн газар орлогын албан татвар төлөх үүрэг бүхий хуулийн этгээд хуулийн этгээдийн эрхгүй этгээд болон үндсэн үйл ажиллагаа нь ашгийн бус боловч бараа борлуулах, ажил гүйцэтгэх, үйлчилгээ үзүүлж орлого олсон дотоод, гадаадын хуулийн этгээдийг Эх сурвалж: legal.info

Татвар төлөгч нь хялбаршуулсан горим ашиглан тайлан гаргаж байгаа тохиолдолд Хувь хүний орлогын албан татварын тухай хуулийн 21.3-д зааснаар үйл ажиллагааны орлогын нийт дүнгээр албан татвар ногдуулах орлогыг тодорхойлж 1 хувийн албан татвар ногдуулна. Татвар төлөгч та өөрөө тайлангийн хүсэлтээ өгсөн тохиолдолд 1 хувийн албан татвар ногдуулах эрхийг эдэлнэ шүү. Та хүсэлтээ 2025.12.31-нээс өмнө өгсөн байх ёстой. Одоо 14 хоног дутуу байна. ebarimt.mn - д илгээсэн борлуулалтын орлого болон хөндлөнгийн мэдээллийн санд бүртгэгдсэн борлуулалтын орлого, Суутган төлөгчийн хувь хүнд олгосон орлогод ногдуулан суутгасан албан татварын тайлан ТТ-12-ын ХМ-12(4)  хавсралт мэдээнд тухайн хувь хүний  орлогын нийт дүн тайлангийн 2-р мөрөнд шууд татагдах бөгөөд тухайн дүнг хянаад илгээх боломжтой. Амжилт. Эх сурвалж: MTA.mn

Аж ахуй нэгж байгууллагын захирал, удирдлагуудаа татвараа хугацаандаа төлцгөөе. Аж ахуй нэгжийн орлогын албан татварын тухай хуулийн дагуу тодорхойлсон татвараа : Та урьдчилан төлөх тооцоолол хийгээгүй бол 02 дугаар сарын 10-ны дотор ААНОАТ-ын өрөө төлсөн байна. Хувь хүний албан татварын тухай хуулийн дагуу тодорхойлсон татвараа : Байгууллагын тухайд: дараа сарын 15-ны өдрийн дотор заавал төлсөн байна. Тухайлбал: байгууллага ТТ-11 тайлангаар гарсан татварын өрөө дараах хугацаанд төлнө. 2025 оны 3-р улирлын Цалин хөлсний тайлан ТТ-11 ийн татварын өрөө 2025 оны 11 дүгээр сарын 15-ний өдөр төлсөн байх ёстой байсан шүү. төлөөгүй бол одоо төлөөрэй. Мөн урьдчилан төлж бас болно. За харин 2025 оны 4-р улирлын тайлангаар гарах Цалин хөлсний тайлан ТТ-11 ийн татварын өрөө 2026 оны 03 дугаар сарын 15 -нд төлж дуусгасан байна шүү. нөхдөө. Хувь хүний тухайд: 26.1.2.Монгол Улсад байнга оршин суугч албан татвар төлөгчийн татварын жилд гадаад улсад олсон энэ хуулийн 16.1.2 / эрхийн шимтгэлийн орлогыг нийт дүнгээр /, 16.1.3/ ногдол ашгийн орлогыг нийт дүнгээр /;, 16.1.4/ хүүгийн орлогыг нийт дүнгээр ./-т тодорхойлсон орлогод энэ хуулийн 21.2.4-т / орлогын дүнд 10 хувиар; / заасан хувиар албан татвар ногдуулж, дараа оны 02 дугаар сарын 15-ны өдрийн дотор; 26.1.3.Монгол Улсад байнга оршин суугч албан татвар төлөгчийн татварын жилд гадаад улсад олсон энэ хуулийн 17.1.1-д / үл хөдлөх эд хөрөнгө борлуулж олсон орлогыг нийт дүнгээр / тодорхойлсон орлогод энэ хуулийн 21.2.1-д / орлогын дүнд 2 хувиар ;/ заасан хувиар албан татвар ногдуулж, дараа оны 02 дугаар сарын 15-ны өдрийн дотор ; 26.1.4.Монгол Улсад байнга оршин суугч албан татвар төлөгчийн татварын жилд гадаад улсад олсон энэ хуулийн 14 / Цалин, хөдөлмөрийн хөлс, шагнал, урамшуулал болон тэдгээртэй адилтгах хөдөлмөр эрхлэлтийн орлогод / , 18 дугаар зүйл/ Шууд бус орлого /- д тодорхойлсон орлогод энэ хуулийн 21.1 / Энэ хуулийн 14, 18 дугаар зүйлд заасны дагуу тухайн жилийн орлогыг тодорхойлоход 0-120 000 000 хүртэлх төгрөгийн албан татвар ногдуулах орлого олсон тохиолдолд 10 хувиар, 120 000 001-180 000 000 хүртэлх төгрөгийн албан татвар ногдуулах орлого олсон тохиолдолд 12 000 000 төгрөг дээр 120 000 000 төгрөгөөс дээш давсан орлогод 15 хувиар, 180 000 000 төгрөгөөс дээш албан татвар ногдуулах орлого олсон тохиолдолд 21 000 000 төгрөг дээр 180 000 000 төгрөгөөс дээш давсан орлогод 20 хувиар нэмж тооцон албан татвар ногдуулна /-д заасан хувиар албан татвар ногдуулж, дараа оны 02 дугаар сарын 15-ны өдрийн дотор; 26.1.5.Монгол Улсад байнга оршин суугч албан татвар төлөгчийн татварын жилд гадаад улсад олсон энэ хуулийн 19.1.1/ урлаг, спортын тэмцээний шагнал, наадмын бай шагнал болон тэдгээртэй адилтгах бусад орлогод албан татвар ногдуулах орлогыг тухайн орлогын дүнгээр /-д тодорхойлсон орлогод энэ хуулийн 21.2.2-/ орлогын дүнд 5 хувиар /-т заасан хувиар албан татвар ногдуулж, дараа оны 02 дугаар сарын 15-ны өдрийн дотор; 26.1.6.Монгол Улсад байнга оршин суугч албан татвар төлөгчийн татварын жилд гадаад улсад олсон энэ хуулийн 19.1.2 / эд мөнгөний хонжворт сугалааны хонжворын орлогод албан татвар ногдуулах орлогыг тухайн орлогын дүнгээр /-т тодорхойлсон орлогод энэ хуулийн 21.2.3 / орлогын дүнд 40 хувиар /-т заасан хувиар албан татвар ногдуулж, дараа оны 02 дугаар сарын 15-ны өдрийн дотор; 26.1.7.энэ хуулийн 15.6 / Хувь хүн өөрөө хүсэлт гаргаж, уг хүсэлтийг харьяа татварын алба бүртгэж авсан бол түүний үйл ажиллагааны орлогын нийт дүнгээр албан татвар ногдуулах орлогыг тодорхойлж болно /-д тодорхойлсон орлогод энэ хуулийн 21.3 / орлогын дүнд 1 хувиар албан татвар ногдуулна /-т заасан хувиар албан татвар ногдуулж, дараа оны 02 дугаар сарын 15-ны өдрийн дотор. 26.2.Энэ хуулийн 21.4 /ажлын байр, лангуу зэрэг тодорхой байршилд байрлахгүй ил задгай худалдаа, үйлчилгээ эрхэлж байгаа хувь хүний хувьд албан татварын доод хэмжээ нь хөдөлмөрийн хөлсний доод хэмжээний 1 хувь, дээд хэмжээ нь хөдөлмөрийн хөлсний доод хэмжээний 50 хувьтай тэнцэх хэмжээнд, хувиараа зорчигч, эсхүл ачаа тээврийн үйлчилгээ эрхэлж байгаа хувь хүний хувьд албан татварын доод хэмжээ нь хөдөлмөрийн хөлсний доод хэмжээний 5 хувь, дээд хэмжээ нь хөдөлмөрийн хөлсний доод хэмжээтэй тэнцэх хэмжээнд/ -т заасан бичил худалдаа, ажил, үйлчилгээ эрхлэх зөвшөөрөл олгох эрх бүхий орон нутгийн засаг захиргааны нэгж нь уг зөвшөөрлийг гэрчилгээний хамт олгон, тухай бүр албан татварыг хураан авч, холбогдох төсөвт төвлөрүүлнэ. АМНАТ-ын тухайд: Монголбанк, түүнээс эрх олгосон арилжааны банканд алт тушаасан хувь хүнээс бусад АМНАТ-ын тухай хуулийн 47.1-д заасан ашигт малтмалын нөөц ашигласны төлбөр төлөгч нь ашигт малтмалын нөөц ашигласны төлбөрийн тайланг татварын асуудал эрхэлсэн төрийн захиргааны байгууллагаас баталсан маягтын дагуу улирал тутам өссөн дүнгээр гаргаж, улирлын тайланг дараагийн улирлын эхний сарын 20-ны өдрийн дотор, жилийн эцсийн тайланг дараа оны 02 дугаар сарын 10-ны өдрийн дотор тус тус ирүүлнэ.   Онлайнаар тайланг илгээх  АМНАТ төлөгч-худалдсан, худалдахаар ачуулсан, ашигласан тайлангаа улирал тутам өссөн дүнгээр гаргаж, улирлын тайланг дараагийн улирлын эхний сарын 20-ны өдрийн дотор, жилийн эцсийн тайланг дараа оны 02 дугаар сарын 10-ны тайлагнаж тайлангаар гарсан татвараа дараа сарын 20-ны дотор татварын байгууллагад төлнө. Нийслэл хотын албан татварын тухайд: Албан татвар суутгагч тухайн сард борлуулсан бараа, үзүүлсэн үйлчилгээнд ногдох албан татварыг дараа сарын 10-ны өдрийн дотор төсөвт төлж, тайланг батлагдсан маягтын дагуу дараа улирлын эхний сарын 20-ны өдрийн дотор харьяалах татварын албанд тушаана. НӨАТ-ын татварын тухайд: Албан татвар суутган төлөгч нь борлуулсан бараа, ажил, үйлчилгээнд ногдох албан татварыг доор дурдсан журмаар д араа сарын 10-ны өдрийн дотор төрийн сангийн нэгдсэн дансанд шилжүүл ж, баталсан маягтын дагуу тайлангаа харьяалах татварын албанд тушаан Эх сурвалж: Legalinfo

Эрхэмүүдээ өнөөдөр аудит заавал хийлгэх ААН, байгууллагуудын талаар мэдээлэл оруулж байна. Аудитын тухай хуулийн 10 дугаар зүйл "Санхүүгийн тайланд заавал аудит хийлгэх" -д зааснаар дараах байгууллагууд заавал аудит хийлгэнэ. Банк, ББСБ, Сангууд, ХЗХ, Даатгал, Даатгалын мэргэжлийн оролцогч, Үнэт цаас, хөрөнгөөр баталгаажсан үнэт цаас гаргах, зээлийн мэдээллийн үйл ажиллагаа эрхлэх, ашигт малтмал хайгуул хийх, ашигт малтмал ашиглах, газрын тосны бүтээглэхүүний үйлдвэрлэл эрхлэх, үнэт цаас үйлдвэрлэх, эд хөрөнгийн хонжворт сугалаа гаргах, хөрөнгийн үнэлгээ, аудит, татварын мэргэшсэн зөвлөх үйлчилгээний чиглэлээр тусгай зөвшөөрлтэй аж ахуй нэгж байгууллага; нэгтгэсэн санхүүгийн тайлан гаргадаг аж ахуйн нэгж, байгууллага; өөрчлөн байгуулагдаж байгаа болон татан буугдаж байгаа, эсхүл бүх хөрөнгөө дуудлага худалдаагаар худалдах гэж байгаа аж ахуйн нэгж, байгууллага; гадаадын хөрөнгө оруулалттай аж ахуйн нэгж, байгууллага; Гадаад дотоодын хөрөнгийн биржид бүртгүүлсэн болон бүртгүүлэхээр хүсэлт гаргасан бүх төрлийн хувьцаат компани Нэг буюу хэд хэдэн үүсгэн байгуулагч нийгэмд ашиг тустай, нэгдмэл зорилгод хүрэхийн тулд эд хөрөнгө төвлөрүүлэх замаар байгуулсан гишүүнчлэлгүй хуулийн этгээдийг сан төрийн болон орон нутгийн өмчит, тэдгээр өмчийн оролцоотой аж ахуй нэгж байгууллага； Нийт хөрөнгийн орлогын хэмжээ 2.5 тэрбум төгрөгөөс дээш компани /Сангийн сайдын А/25 тоот журам/ Дээр заасан аж ахуйн нэгж, байгууллага санхүүгийн тайлангийн аудитыг дараах хугацаанд хийлгэнэ: хувьцаат компани нь тайлангийн жилийн эцсийн санхүүгийн тайланг хэлэлцэх хувьцаа эзэмшигчдийн хурлаас хоёр ба түүнээс доошгүй долоо хоногийн өмнө өөрчлөн байгуулагдаж байгаа болон татан буугдаж байгаа, эсхүл бүх хөрөнгөө дуудлага худалдаагаар худалдах гэж байгаа аж ахуйн нэгж, байгууллага тухайн ажиллагааг хэрэгжүүлж эхлэхээс нэг сарын өмнө банк жилийн эцсийн санхүүгийн тайланг дараагийн санхүүгийн жилийн 03 дугаар сарын 31-ний өдрийн дотор бусад аж ахуйн нэгж, байгууллага санхүүгийн жилийн тайланг дараагийн санхүүгийн жилийн 04 дүгээр сарын 30-ны өдрийн дотор Бусад аж ахуйн нэгж, байгууллага санхүүгийн тайландаа, иргэн санхүүгийн баримтдаа аудит хийлгэж болно шүү. Дараах эх сурвалжуудыг хараарай. Сангийн сайдын 2025 оны 2 дугаар сарын 06-ний өдрийн А/25 дугаар тушаал "Аж ахуй нэгж, байгууллагын ангилал, шалгуур үзүүлэлтийг тогтоох журам" Эх сурвалж: https://legalinfo.mn/mn/detail?lawId=17355848986171&showType=1     2. Аудитын тухай хууль Эх сурвалж: https://legalinfo.mn/mn/detail/11192   Эх сурвалж: Амжилт .

Сангийн сайдын 2024 оны 11 дүгээр сарын 18-ны өдрийн А/205 тоот "Санхүүгийн тайланг цахим хэлбэрээр хүргүүлэх, хүлээн авах, тайлангийн мэдээллийг ашиглах" журмын талаар мэдээлэл оруулж байна. Энэхүү журмын зорилго нь Аж ахуйн нэгж, байгууллага нь санхүүгийн тайлангийн цахим системд нэвтрэх, тайланг хүргүүлэх болон харилцагч санхүүгийн байгууллага тайланг хүлээн авах, хянах, нэгтгэл хийх, мэдээллийн сан бүрдүүлэх, ашиглах, цахим архив үүсгэх, түүний аюулгүй байдлыг хангахад Тайлагнагч байгууллагын гүйцэтгэх удирдлага нь тайлангийн мэдээллийн үнэн зөв байдлыг хариуцах ба системээр хүргүүлэхдээ дараах шаардлагыг хангасан байна: тайлагнагч байгууллага нь санхүүгийн тайлангийн маягтаа зөв сонгосон байх санхүүгийн тайлан, тодруулга, мэдээллийг бодитой, үнэн зөв илэрхийлж, бүрэн гүйцэд шивсэн байх өмнөх тайлант үеийн санхүүгийн тайлантай уялдаатай байх өссөн дүнгээр тайлагнасан байх санхүүгийн тайланг хуулийн хугацаанд нь хүргүүлсэн байх аудитын хуулийн этгээдээр аудитын гэрээний огноо, дугаар, хүчинтэй хугацааг оруулсан, тус мэдээллийг ерөнхий нягтлан бодогч зөвшөөрсөн байх Санхүүгийн тайлангийн залруулгыг 2 төрлөөр хийж гүйцэтгэнэ: 1. Системд тайлан нь хүлээн авсан төлөвтэй үед нэг удаа залруулга хийж болно. Энэ үед цахим системд хүсэлт илгээхгүй шивж буй төлөвт шууд шилжинэ. 2. Тайлагнагч байгууллага нь харилцагч санхүүгийн байгууллагад хүсэлт илгээж хүлээн авсан тайлангаа хүсэлт илгээж залруулга хийнэ Тайлагнагч байгууллага мөн өөрийн хүсэлтээр системд дараах дарааллын дагуу залруулга хийнэ. Үүнд: аудитын хуулийн этгээд нь системд аудитын дүгнэлтийг оруулсан байх; системд тайлагнагч байгууллага нь залруулах хүсэлтээ илгээсэн байх; тайлагнагч байгууллага нь системд аудитын дүгнэлтэд үндэслэн тайланд залруулга хийж, хүргүүлсэн байх. Санхүүгийн тайлангийн залруулгын эцсийн хугацаа тухайн оны 12 дугаар сарын 01-ны өдөр байна. Бүртгэлийн мэргэжилтэн нь тайлагнагч байгууллагын залруулсан тайланг системд хүргүүлсэн өдрөөс хойш ажлын 10 өдрийн дотор хянаж дараагийн төлөвт шилжүүлнэ. Файл: САНХҮҮГИЙН ТАЙЛАНГ ЦАХИМ ХЭЛБЭРЭЭР ХҮРГҮҮЛЭХ, ХҮЛЭЭН АВАХ, ТАЙЛАНГИЙН МЭДЭЭЛЛИЙГ АШИГЛАХ ЖУРАМ Эх сурвалж: Legalinfo

Эрхэм санхүүчид та бүхэнд Сангийн сайдын 2017/347 тоот тушаалаар батлагдсан " Өмчийн бүх хэлбэрийн аж ахуйн нэгж, байгууллагад нийтлэг хэрэглэгдэх анхан шатны бүртгэлийн маягтууд"-ыг ашиглахад хялбар болгож, MS Excel хэлбэрээр хувирган бэлтгэснийг хүргэж байна. Доорх файлыг татаж авна уу .

Өнөөдөр ХХОАТ-ын тухай мэдээлэл оруулж байна. Дараах асуултанд хариулт өгье. ХХОАТ-ын хуулийн зорилго юу вэ? Хувь хүний орлогод албан татвар ногдуулах, албан татварыг төсөвт төлөх, тайлагнахтай холбогдсон харилцааг зохицуулдаг. Хэнд хамааралтай вэ? Тухайн татварын жилд албан татвар ногдох орлого олсон, Монгол Улсын иргэн, гадаадын иргэн, харьяалалгүй хүн албан татвар төлөгч Татвар ногдох орлого нь юу вэ? * цалин, хөдөлмөрийн хөлс, шагнал, урамшуулал болон тэдгээртэй адилтгах хөдөлмөр эрхлэлтийн орлого; *үйл ажиллагааны орлого; *хөрөнгийн орлого; *хөрөнгө борлуулсан, шилжүүлсний орлого; *шууд бус орлого; *бусад орлого. Албан татвар ногдох орлогыг яаж тодорхойлох вэ? * цалин, хөдөлмөрийн хөлс, шагнал, урамшуулал болон тэдгээртэй адилтгах хөдөлмөр эрхлэлтийн орлого - цалин, хөдөлмөрийн хөлс, шагнал, урамшуулал болон тэдгээртэй адилтгах хөдөлмөр эрхлэлтийн орлогод албан татвар ногдуулах орлогыг тодорхойлохдоо уг орлогоос эрүүл мэндийн болон нийгмийн даатгалд төлсөн шимтгэлийг хассан дүнгээс * үйл ажиллагааны орлого - Албан татвар ногдох орлогын дүнг тодорхойлохдоо албан татвараас чөлөөлөгдсөн орлогыг хассан дүнгээс * хөрөнгийн орлого - Хөрөнгө ашиглуулсны, эсхүл түрээслүүлсний нийт орлогоос тухайн хөрөнгийг ашиглуулах, эсхүл түрээслүүлэхтэй холбогдон гарсан баримтаар нотлогдох зардлыг хассан зөрүүгээр, эрхийн шимтгэлийн орлогыг нийт дүнгээр, ногдол ашгийн орлогыг нийт дүнгээр, хүүгийн орлогыг нийт дүнгээр, албан татвар төлөгчийн хувь нийлүүлсэн аж ахуйн нэгж татан буугдсан бол албан татвар ногдуулах орлогыг албан татвар төлөгчийн эзэмшилд байгаа хувьцаа болон хувь нийлүүлсэн хөрөнгөд хувь тэнцүүлэн хуваарилсан орлогын дүнгээс уг хувьцаа болон хөрөнгийг анх худалдан авсан үнэ, хувь нийлүүлэхдээ гаргасан зардлыг хассан дүнгээр тус тус орлогыг тодорхойлно. * хөрөнгө борлуулсан, шилжүүлсний орлого - үл хөдлөх эд хөрөнгө борлуулж олсон орлогыг нийт дүнгээр, газар эзэмших, ашиглах эрх болон бусад биет бус хөрөнгө борлуулсан, шилжүүлсэн,хөдлөх эд хөрөнгө борлуулсны орлогоос доор дурдсан баримтаар нотлогдох зардлуудыг хассан дүнгээр, эрх авахтай холбогдуулан төрийн байгууллагад төлсөн баримтаар нотлогдох зардлуудыг хассан дүнгээр, хувьцаа, үнэт цаас болон санхүүгийн бусад хэрэгсэл борлуулсны орлогоос уг хувьцаа, үнэт цаас болон санхүүгийн бусад хэрэгслийг худалдан авсан үнэ болон худалдан авахад төлсөн баримтаар нотлогдох бусад зардлыг хассан дүнгээр,хамтран эзэмшиж байсан хувьцаа, үнэт цаас борлуулсан дүнгээс тухайн татвар төлөгчид ногдох хэсгийн дүнгээр, Газар эзэмших, ашиглах эрхийн үнэлгээ тооцох, албан татвар ногдуулах орлогыг тодорхойлохдоо Засгийн газрын гишүүн батална аргачлалаар тус тус орлогыг тодорхойлно. * шууд бус орлого - үнэ төлбөргүй, эсхүл хөнгөлөлттэй үнээр тээврийн хэрэгслээр үйлчилсэн, орон сууцны ашиглалтын болон түрээсийн зардлын төлбөр, байрын хөлс, түлшний зардлын төлбөр, үзвэр үйлчилгээний олговор, ахуйн үйлчлэгч, жолооч, цэцэрлэгч болон бусад үйлчилгээ үзүүлсний зардлын төлбөр, ажил олгогч, эсхүл бусад этгээдэд төлөх өр барагдуулсны төлбөр, арилжааны зээлийн хүүгээс доогуур хүүтэй олгосон зээлийн хүүгийн зөрүү, ажил олгогчийн төлсөн эсайн дурын даатгалын хураамж, гэр бүлийн гишүүний сургалтын төлбөр, Монгол Улсад нүүж ирэх болон буцахтай холбогдон гарах зардлын төлбөр, эрс тэс уур амьсгалд ажиллаж амьдарсны нэмэгдэл, Ажил үүргээ биелүүлэх нөхцөлийг нь сайжруулах зорилгоор ажил олгогчоос ажилтанд олгож байгаа цайны газар, кафе, амралтын өрөөнд бүх ажилтныг адил нөхцөлөөр хоолоор хангасан, амрах байр, бусад үйлчилгээгээр хангах, тухайн ажлын байранд ирэх, буцахад нэгдсэн журмаар унаагаар үйлчилсэн, орон сууц худалдан авах, барихад зориулж ажилтанд арилжааны зээлийн хүүгээс доогуур хүүтэй олгосон зээлийн хүүгийн зөрүү, эрүүл мэндийн байгууллагад төлсөн эмчилгээний зардалд зориулж олгосон тусламж, дэмжлэг, ажил олгогчоос олгож байгаа албан томилолтын зардал, хөдөлмөр хамгааллын болон дүрэмт хувцас, хор саармагжуулах ундааны үнэ, тэдгээртэй адилтгах бусад хангамжийн зардал, хөдөлмөр эрхлэлттэй холбоотойгоор ажил олгогчийн төлсөн сайн дурын амь нас, эрүүл мэнд, гэнэтийн ослын болон мэргэжлийн хариуцлагын даатгалын хураамжууд зэргээр орлогыг тодорхойлно. * бусад орлого - урлаг, спортын тэмцээний шагнал, наадмын бай шагнал, тэдгээртэй адилтгах бусад орлого, эд мөнгөний хонжворт сугалааны хонжворын орлого, бичил худалдаа, ажил, үйлчилгээний орлогуудаар тус тус бусад орлогыг тодорхойлно. Албан татварын орлогын хувь, хэмжээг хэлээд өгөөч? Тухайн жилийн орлогыг тодорхойлоход 0-120 000 000 хүртэлх төгрөгийн албан татвар ногдуулах орлого олсон тохиолдолд 10 хувиар, 120 000 001-180 000 000 хүртэлх төгрөгийн албан татвар ногдуулах орлого олсон тохиолдолд 12 000 000 төгрөг дээр 120 000 000 төгрөгөөс дээш давсан орлогод 15 хувиар, 180 000 000 төгрөгөөс дээш албан татвар ногдуулах орлого олсон тохиолдолд 21 000 000 төгрөг дээр 180 000 000 төгрөгөөс дээш давсан орлогод 20 хувиар нэмж тооцон албан татвар ногдуулна. *Үл хөдлөх эд хөрөнгө борлуулж олсон орлогын 2 хувиар *Урлаг, спортын тэмцээний шагнал, наадмын бай шагналын орлогын 5 хувиар *Эд мөнгөний хонжворт сугалааны хонжворын орлогын 40 хувиар *Үйл ажиллагааны орлогоос зардлыг хасч үлдэх орлогын 10 хувиар *Монгол Улсад оршин суугч бус албан татвар төлөгчийн Монгол Улсад болон Монгол Улсаас эх үүсвэртэй олсон орлогын нийт дүнгээс, мөн Засгийн газар, аймаг, нийслэлийн болон Монгол Улсад байрладаг албан татвар төлөгчийн дотоодын үнэт цаасны анхдагч болон хоёрдогч зах зээлд нээлттэй арилжаалсан өрийн хэрэгсэл /бонд/, хувьцаа, бусад үнэт цаасыг Монгол Улсад байрладаггүй албан татвар төлөгч борлуулсны орлогод албан татвар ногдуулах орлогын 20 хувиар *Хувь хүн өөрөө хүсэлт гаргаж, уг хүсэлтийг харьяа татварын алба бүртгэж авсан бол түүний үйл ажиллагааны орлогын нийт дүнгээр албан татвар ногдуулах орлогыг тодорхойлж 1 хувиар тус тус ногдуулна. Чөлөөлөлт байна уу? *Хууль тогтоомжид тусгайлан заасны дагуу олгож байгаа тэтгэвэр, тэтгэмж, төлбөр, үзүүлж байгаа хөнгөлөлт, нөхөн олговор болон нэг удаагийн буцалтгүй тусламж *Хөгжлийн бэрхшээлтэй хувь хүний орлого *Гамшгийн үед олон улсын байгууллага, гадаад улсын Засгийн газар, хуулийн этгээд, иргэнээс Монгол Улсын Засгийн газар болон орон нутгийн байгууллага, хуулийн этгээд, иргэнд үзүүлж байгаа тусламж *Засгийн газар, нийслэл, Монгол Улсын Хөгжлийн банкны өрийн бичиг /бонд/-ийн төлбөр, хүү, анз *Гэр бүлийн этгээдүүдийн хоорондоо газар эзэмших, ашиглах эрхийн гэрчилгээгээ үнэ төлбөргүйгээр шилжүүлэх замаар олсон орлого *Нэмэгдсэн өртгийн албан татварын урамшууллын орлого *Монгол Улсад суугаа гадаад улсын дипломат төлөөлөгчийн болон консулын газар, Нэгдсэн Үндэстний Байгууллага, түүний төрөлжсөн салбарт томилогдон ажиллаж байгаа гадаадын иргэн, түүний гэр бүлийн гишүүн нь Монгол Улсад байнга оршин суугч албан татвар төлөгчид *Монгол Улсад суугаа гадаад улсын дипломат төлөөлөгчийн болон консулын газар, Нэгдсэн Үндэстний Байгууллага, түүний төрөлжсөн салбарт томилогдон ажиллаж байгаа гадаадын иргэн, түүний гэр бүлийн гишүүн нь Монгол Улсад байнга оршин суугч албан татвар төлөгчд гадаадын иргэн, түүний гэр бүлийн гишүүний гадаад улсад олсон орлого *Гэр хорооллыг орон сууцжуулах ажилд зориулан гэрээний дагуу газар эзэмших, ашиглах, өмчлөх эрхээ гэр хорооллыг орон сууцжуулах үйл ажиллагааг хэрэгжүүлэгч байгууллагад борлуулсан, шилжүүлснээс олсон орлого *Хялбаршуулсан байдлаар тайлан гаргасан болон бичил худалдаа, ажил, үйлчилгээний орлого Албан татвар суутган тооцох, төсөвт төлөх нь хэзээ вэ? Суутган төлөгч нь албан татвар төлөгчийн орлогоос суутган авсан албан татварыг дараа сарын 10 -ны өдрийн дотор холбогдох төсөвт шилжүүлнэ Албан татварын тайлан хүргүүлэх хугацаа нь хэзээ вэ? Дараа оны 02 дугаар сарын 15 -нө өдрийн дотор татварын албанд цахим хэлбэрээр хүргүүлнэ. Албан татварын буцаан олголт байна уу? *Албан татвар төлөгч, суутган төлөгч нь хуульд заасны дагуу хүргүүлсэн тайлангаар албан татварын илүү, дутуу төлөлтийн тооцооллыг харьяа татварын алба дараах журмаар нягталж, эцсийн тооцоог хийж илүү бол буцаан авна. Эх сурвалж: Legalinfo

Сангийн сайдын 2022 оны  8 дугаар сарын 01-ны өдрийн А/155 дугаар тушаалаар "Хоршооны нягтлан бодох бүртгэлийн журам" батлагдсан. Журам нь 8 бүлгээс бүрдсэн. ЕРӨНХИЙ ЗҮЙЛ ХӨРӨНГӨ ӨР ТӨЛБӨР ЭЗДИЙН ӨМЧ ОРЛОГО БА ОЛЗ ЗАРДАЛ БА ГАРЗ БУСАД ҮЛГЭРЧИЛСЭН ЖИШЭЭ ХӨРӨНГӨ: БИЕТ БУС ХӨРӨНГӨ А. ХҮЛЭЭН ЗӨВШӨӨРӨЛТ Биет бус хөрөнгө гэдэг нь биет шинж чанаргүй, тодорхойлж болохуйц, мөнгөн бус хөрөнгө юм. Биет бус хөрөнгөнд материаллаг дүнтэй төрөл бүрийн программ хангамж, патент, худалдааны тэмдэг, гүүдвил зэрэг хамарна. Биет бус хөрөнгө нь доорх шалгуурыг хангаж байвал хүлээн зөвшөөрнө: Тодорхойлогдохуйц байх :  Биет бус хөрөнгө доорх нөхцөлүүдээс хангаж байвал тодорхойлогдохуйц байна гэж үзнэ: -          Тусад нь авч үзэх боломжтой буюу бусдад түрээсэлж, борлуулж, шилжүүлж, арилжаалж болдог байх. -          Гэрээ эсвэл бусад хууль эрхийн актын улмаас үүссэн байх. Хянагдах боломжтой байх : Хөрөнгөнд хяналт тавих чадвартай байх нь чухал. Хөрөнгөөс ирээдүйн үр өгөөж олох боломжтой ба тэр үр өгөөжийг зөвхөн өөрөө хүртэх боломжтой байх үед хяналт тогтсон гэж үзнэ. Ирээдүйд эдийн засгийн өгөөж авчрах. Өртгийг нь найдвартай хэмжих боломжтой байх. Дотооддоо бий болгосон биет бус хөрөнгө нь хүлээн зөвшөөрөх шалгуурыг хангаж байгаа эсэхийг үнэлэхийн тулд хөрөнгийг бий болгох үе шатыг дараах байдлаар ангилна: судалгааны үе шат хөгжүүлэлтийн үе шат Судалгааны зардлыг гарсан тухай бүрт нь зардлаар хүлээн зөвшөөрнө. Хэрэв биет бус хөрөнгийг бий болгох судалгааны үе шатыг хөгжүүлэлтийн үе шатаас ялгаж чадахгүй байгаа бол зарцуулсан зардлыг зөвхөн судалгааны үе шатанд гарсан гэж үзээд зардлаар хүлээн зөвшөөрнө. Биет бус хөрөнгөөр хүлээн зөвшөөрөх шалгуурыг хангаагүй хөгжүүлэлтийн зардлыг гарсан тухай бүрт зардлаар хүлээн зөвшөөрнө. Биет бус хөрөнгөөр хүлээн зөвшөөрөх шалгуурыг хангасан хөгжүүлэлтийн зардлыг гарсан тухай бүрт биет бус хөрөнгөөр хүлээн зөвшөөрнө. Б. ХЭМЖИЛТ БА ҮНЭЛГЭЭ Биет бус хөрөнгийг анх удаад өртгөөр хүлээн зөвшөөрнө. Худалдаж авсан биет бус хөрөнгийн өртөг нь худалдааны хөнгөлөлт ба хямдруулалтыг хасаж, импортын болон буцаагдахгүй татварыг оруулж тооцсон худалдан авалтын үнэ ба хөрөнгийг тухайн зориулалтаар нь ашиглахад бэлэн болгохтой холбоотой шууд нэмэлт зардлуудын нийлбэрээр тодорхойлогдоно. Бизнесийн нэгдлийн үр дүнд биет бус хөрөнгө худалдан авсан нөхцөлд биет бус хөрөнгийн өртгийг түүний худалдан авалтын өдрийн бодит үнэ цэнээр илэрхийлнэ. Хандиваар эсвэл хөрөнгийн солилцоогоор авсан биет бус хөрөнгийг бодит үнэ цэнээр хэмжинэ. Дотооддоо бий болгосон биет бус хөрөнгийн хувьд хөгжүүлэлтийн үе шатанд хамаарах зардлын дүнгээр биет бус хөрөнгийг хэмжинэ.   Биет бус хөрөнгийн хорогдол. Биет бус хөрөнгийн ашиглалтын хугацаа тодорхой бол ашиглалтын хугацаанд хорогдуулна. Биет бус хөрөнгийг тохиромжтой аргаар хорогдуулна. Хорогдол нь биет бус хөрөнгийн хорогдуулах дүнг түүний ашиглалтын хугацаанд системтэй хуваарилж зардалд шингээсэн хуваарилалт юм.  Хорогдуулах дүн гэдэг нь биет бус хөрөнгийн анхны өртгөөс үлдэх өртгийг хассан дүнг хэлнэ. Хэрэв тохиромжтой арга тодорхойлогдохгүй бол шулуун шугамын аргаар хорогдуулна. Биет бус хөрөнгийн ашиглалтын хугацаа тодорхойгүй бол хорогдуулахгүй, үнэ цэнийн бууралтыг үнэлж, бүртгэнэ. Ашиглалтын хугацаа тодорхойгүй биет бус хөрөнгийн дансны үнийг нөхөгдөх дүнтэй нь харьцуулах замаар үнэ цэнийн бууралтыг жил бүр шалгаж, үнэ цэнэ буурсан гэх шинж тэмдэг байгаа эсэхийг тодруулна.   Биет бус хөрөнгийн ашиглалтын хугацаа. Гэрээ болон бусад хууль эрх зүйн заалтын дагуу бий болсон биет бус хөрөнгийн ашиглагдах хугацаа нь тухайн гэрээнд заасан хугацаанаас хэтрэх ёсгүй. Хэрэв эрх нь тодорхой хугацаанд шинэчлэгдэж байхаар хязгаартай хугацаатайгаар өгөгдсөн бол зөвхөн шинэчлэлтийг баталсан үлэмж нөлөө бүхий зардлыг нотолсон нотолгоо байгаа үед хөрөнгийн ашиглагдах хугацааг шинэчилж тогтооно. Хоршоо нь тодорхойгүй ашиглалтын хугацаатай биет бус хөрөнгийн үнэ цэнийн бууралтыг түүний нөхөгдөх дүнг дансны үнэтэй харьцуулах замаар жил бүр болон тухайн биет бус хөрөнгийн үнэ цэнэ буурсан гэх ямар нэгэн шинж тэмдэг мэдэгдэх тухай бүрт үнэлнэ. Биет бус хөрөнгийн үнэ цэнийн бууралтыг үнэлэхдээ: Дансны үнийг тооцоолно. Нөхөгдөх дүнг тодорхойлно. Нөхөгдөх дүнг уг хөрөнгийн ашиглалтын үнэ цэнэ (хүлээгдэж буй ирээдүйн мөнгөн гүйлгээний өнөөгийн үнэ цэн) ба борлуулалтын цэвэр үнэ (бодит үнэ цэнээс борлуулалтын зардлыг хассан цэвэр дүн)-ийн аль ихээр тодорхойлно. Дансны үнэ ба нөхөгдөх дүнгийн аль багаар үнэлнэ. Хэрэв нөхөгдөх дүн нь дансны үнээс бага бол эдгээрийн зөрүүгээр үнэ цэнийн бууралт хүлээн зөвшөөрнө. Ийнхүү хүлээн зөвшөөрсний дараах тайлант хугацаанд хүлээн зөвшөөрч бүртгэсэн үнэ цэнийн бууралтын шалтгаан өөрчлөгдөж, байхгүй болсон гэж үзвэл үүнийг буцаана. Шаардлагатай гэж үзвэл биет бус хөрөнгийг дахин үнэлж болох ба бүртгэл нь дээр дурдсан үндсэн хөрөнгийн дахин үнэлгээтэй ижил хийгдэнэ. Бодит үнэ цэнийг дараах нөхцөлийг бүгдийг хангасан идэвхтэй зах зээлээс тодорхойлно. Үүнд: зах зээлд нэг төрлийн зүйлсийг арилжаалдаг, арилжаанд оролцоход бэлэн худалдан авагч ба борлуулагч байнга байдаг, худалдах үнийг олон нийт нээлттэй олж авах боломжтой. Тайлант хугацааны эцэст хөрөнгийн дансны дүн, бодит үнэ цэнэ хоорондоо материаллаг зөрүүтэй байх үед дахин үнэлгээг хийнэ. Биет бус хөрөнгийн идэвхтэй зах зээлийн үнэлгээг хийхэд амаргүй байдаг тул биет бус хөрөнгийг дахин үнэлэх нь маш ховор. В. БҮРТГЭЛ Биет бус хөрөнгийн хорогдлын зардлыг хүлээн зөвшөөрч, хуримтлуулахад Хэрэв биет бус хөрөнгийг данснаас хасах үед ашиглалтын хугацаа дуусаагүй бөгөөд хорогдуулах өртгийг хараахан бүрэн нөхөөгүй бол хорогдуулаагүй үлдсэн өртгийн дүнг гарзаар бүртгэнэ. Дараагийн дугааруудад бусад мэдээллийг нэг бүрчлэн оруулах болно. Эх сурвалж: Legalinfo

Өглөөний мэндээ. СӨХ-ийн Ибаримт шивэх код өөрчлөгдсөн байна шүү. Нөхдөө. “Төлбөрийн баримт” гэж тухайн төлбөр тооцоо хийгдсэнийг нотлох он, сар, өдөр, дахин давтагдашгүй төлбөрийн дугаар бүхий нэгдсэн системээр баталгаажсан, албан татвар суутган төлөгч буюу худалдаа эрхлэгчийг таних тэмдэг бүхий нэр, хаяг, татвар төлөгчийн дугаар, худалдаа хийгдсэн бараа, ажил, үйлчилгээний нэр, код, тоо хэмжээ, үнэ, төлбөр тооцооны болон татварын дүн зэрэг мэдээллийг агуулсан зориулалтын тоног төхөөрөмжөөс гаргасан цаасан болон цахим баримтыг хэлнэ. Эрхэм оршин суугч таньд сугалааны дугааргүй дараах ибаримт бичигдэн ирэх болно шүү. Та ингээд л СӨХ гэгч газартайгаа тооцоо хийж өгсөн мөнгөний маань зарцуулт хэр явж байгааг хянах, шаардах эрх үүснэ. СӨХ-ийн төлбөрөө цаг алдалгүй төлж эрхээ эдэлж үүргээ биелүүлцгээе.