Шинэ 7 хоногийн мэндээ. Тэтгэвэрт гараад хөдөлмөр эрхэлж байгаа бол үндсэн цалингаасаа 0.8 хувийг НДШ-д суутгуулан цалингаа авна харин таныг ажиллуулсан хэмээн байгууллага 1.5 хувийг төлдөг байна. Хүснэгтээр харуулбал: Өмнөх НДШ-ийн тооцоолол Одоо НДШ-ийн тооцоолол Зөрүү  Хөдөлмөрийн хөлс   792,000.00   792,000.00  -  Цалингаас суутгах ЭМНДШ   73,656.00   6,336.00   67,320.00   Татвар тооцох дүн   718,344.00   785,664.00   (67,320.00)  ХХОАТ 10%   71,834.40   78,566.40   (6,732.00)  Хөнгөлөлт   18,000.00   18,000.00  -  Цалингаас суутгах ХХОАТ   53,834.40   60,566.40   (6,732.00)  Суутгалын дүн   127,490.40   66,902.40   60,588.00   Гарт олгох цалин   664,509.60   725,097.60   (60,588.00)  Байгууллагын төлөх ЭМНДШ   81,576.00   11,880.00   69,696.00   Нийт НД-д төлөх дүн   155,232.00   18,216.00   137,016.00  Бидний төлөх НДШ 137,013 төгрөгөөр буурсан байгаа биз дээ. Амжилт Хөдөлмөр эрхлэгч ахмадуудаа.

Амралтын өдрийн мэндээ ААНОАТ-ын хувь хэмжээний талаар мэдээлл оруулж байна. 1 хувиар татвар төлөх 10 хувиар татвар төлөх 10 болон 25 хувиар татвар төлөх 1 хувиар татвар төлөх: Өмнөх жилийн үйл ажиллагааны орлого 50,0 сая  төгрөг хүрээгүй бол; Тайлант оны 3-р улиралд багтаан харьяалах татварын албандаа хүсэлт гаргаж зөвшөөрөгдснөөр дараагийн татварын жилээс эхлэн хялбаршуулсан горим ашиглан үйл ажиллагааны орлогын нийт дүнгээс 1%-ийн албан татвар төлж жилд 1 удаа тайлан ирүүлнэ. Дараах албан татвар төлөгч хүсэлт гаргахгүй Нэмэгдсэн өртгийн албан татвар суутган төлөгч Ашигт малтмал, цацраг идэвхт ашигт малтмалын хайгуул хийх, олборлох, ашиглах тээвэрлэх, борлуулах Согтууруулах ундаа үйлдвэрлэх, импортлох Тамхины ургамал тарих, тамхи үйлдвэрлэх, импортлох Газрын тосны бүтээгдэхүүнийг үйлдвэрлэх, бүх төрлийн шатахууныг импортлох, бөөний болон жижиглэнгийн худалдаа эрхлэх, газрын тос хайх, олборлох, борлуулах   ЭРХЭМ та жилд 1 удаа тайлан гаргаж илгээнэ. Албан татвар ногдох орлого 300,0 сая  төгрөг хүртэл бол; Хуулиар зөвшөөрөгдсөн тухайн үйл ажиллагааг явуулахтай холбогдон гарсан зардлаа хасан татвар ногдуулах орлогоос 1%- ийн албан татвар төлж жилд 2 удаа тайлан ирүүлнэ. Мөн ААНОАТ-ийн тухай хуульд заасны дагуу албан татварын чөлөөлөлтөд хамрагдах боломжтой. Дараах салбарт үйл ажиллагаа эрхэлдэг аж ахуйн нэгж хамаарахгүй Ашигт малтмал, цацраг идэвхт ашигт малтмалын хайгуул хийх, олборлох, ашиглах тээвэрлэх, борлуулах Согтууруулах ундаа үйлдвэрлэх, импортлох, тамхины ургамал тарих, тамхи үйлдвэрлэх, импортлох Газрын тосны бүтээгдэхүүнийг үйлдвэрлэх, бүх төрлийн шатахууныг импортлох, бөөний болон жижиглэнгийн худалдаа эрхлэх, газрын тос хайх, олборлох, борлуулах ЭРХЭМ та жилд 2 удаа тайлан гаргаж илгээж татварын чөлөөлөлтөнд хамрагдах боломжтой. 10 хувиар татвар төлөх: Албан татвар ногдуулах орлого 6,0 тэрбум төгрөг хүртэл бол; Хуулиар зөвшөөрөгдсөн тухайн үйл ажиллагааг явуулахтай холбогдон гарсан зардлаа хасаж 10%- ийн албан татвар төлөх ба жилд 2 удаа тайлан ирүүлнэ. Мөн ААНОАТ- ын хуульд заасан албан татвараас чөлөөлөх, төлсөн татвараас буцаан олгох замаар албан татварын хөнгөлөлт эдлэх, гадаад улсад ногдуулан төлсөн албан татварыг төлбөл зохих албан татвараас хасаж тооцуулах боломжтой. ЭРХЭМ та жилд 2 удаа тайлан гаргаж илгээж татварын чөлөөлөлтөнд хамрагдаж улмаар хөнгөлөлт эдэлж гадаад улсад ногдуулсан төлбөл зохих албан татвараас хасаж тооцуулах боломжтой. 10 болон 25 хувиар татвар төлөх: Албан татвар ногдох орлого 6,0 тэрбум төгрөгөөс дээш бол; Хуулиар зөвшөөрөгдсөн тухайн үйл ажиллагааг явуулахтай холбогдон гарсан зардлаа хасаж татвар ногдуулах орлогын 6,0 тэрбум төгрөг хүртэлх дүнд 10% (600,0 сая төгрөг +), түүнээс дээших орлогод  25%- ийн албан татвар төлөх ба жилд 4 удаа тайлан ирүүлнэ. Мөн ААНОАТ- ын хуульд заасан албан татвараас чөлөөлөх, төлсөн татвараас буцаан олгох замаар албан татварын хөнгөлөлт эдлэх, гадаад улсад ногдуулан төлсөн албан татварыг төлбөл зохих албан татвараас хасаж тооцуулах боломжтой. ЭРХЭМ та жилд 4 удаа тайлан гаргаж илгээж татварын чөлөөлөлтөнд хамрагдаж улмаар хөнгөлөлт эдэлж гадаад улсад ногдуулсан төлбөл зохих албан татвараас хасаж тооцуулах боломжтой. Амжилт.

СӨХ-ны төлбөрийн хэмжээ, түүний зарцуулалт, хэн, хэзээ, хэрхэн төлж байгаа, төлөхгүй байгаа талаар системтэй мэдээлэл оруулахыг зорьж байна. Өнөөдөр шинэ хуулийн төсөлд орж байгаа үйлчилгээний зардлын талаар оруулж байна. 34 дүгээр зүйл. Орон сууцны байшингийн дундын өмчлөлийн эд хөрөнгийн засвар, арчлалт, хамгаалалт, үйлчилгээний зардлын хэмжээ 34.1. Орон сууцны байшингийн дундын өмчлөлийн эд хөрөнгийн ашиглалт, засвар, үйлчилгээтэй холбогдсон болон бусад нийтлэг зардлыг санхүүжүүлэхэд шаардлагатай, нэг гишүүний сар бүр төлөх төлбөрийн хэмжээг энэ хуулийн 34.2-т заасан аргачлалыг харгалзан сууц өмчлөгчдийн холбооны бүх гишүүдийн хурлаар тогтооно . 34.2. Энэ хуулийн 34.1-д заасан зардлын доод хэмжээг тооцох аргачлалыг барилгын асуудал эрхэлсэн болон санхүүгийн асуудал эрхэлсэн төрийн захиргааны төв байгууллага хамтран батална. Одоогоор мөрдөж байгаа: СӨХ-д төлөх ёстой төлбөр: СӨХ-ийн дээд зөвлөлийн тэргүүлэгчдийн хурлын 2014 оны 04 дүгээр сарын 01-ний өдрийн №6 тоот тогтоолын хавсралт 01-д бичсэнээр, СӨХ нь: -Айл өрхийн 1м2-аас авах ЗҮХуримтлалын төлбөр 200-300 төгрөг -Цэвэрлэгээний хөлс нэг өрхөөс 1500-10000 төгөг, -Жижүүр, харуулын урамшуулал цалин нэг өрхөөс 5000-100000 төгрөг -Лифтний төлбөр нэг өрхөөс 8000-10000 төгрөг -СӨХ-ны дэвсгэр нутгийн эзэмшлийн газар баригдсан ТҮЦ болон бусад объектоос 1м2-аас 3000-8000 төгрөг авах ёстой юм байна. Хэрэв сууц өмчлөгчид хуулийн хүрээнд засвар үйлчилгээний хөлс, зардал үндэслэлтэй эсэхийг Шударга өрсөлдөөн хэрэглэгчийн төлөө газарт тавьж шийдвэрлүүлэх эрхтэй. 34.3. Орон сууцны байшингийн нэг буюу хэд хэдэн сууцанд хамаарах дундын өмчлөлийн эд хөрөнгө /инженерийн шугам сүлжээ, салхижуулалтын хоолой, давхрын хаалга болон бусад тоног төхөөрөмж гэх мэт/-ийн засвар, үйлчилгээтэй холбогдсон зардлыг тухайн эд хөрөнгийг ашиглаж байгаа сууц өмчлөгчид хувааж төлнө. 34.4. Дундын өмчлөлийн эд хөрөнгийн засвар, хамгаалалт, үйлчилгээтэй холбогдсон зардлыг дараах тохиолдолд доор дурдсан сууц өмчлөгчдөөр бусад сууц өмчлөгчдөөс илүү өндөр хэмжээгээр төлүүлж болох бөгөөд ийнхүү төлөх хэмжээг бүх гишүүдийн хурлаар тогтооно: 34.4.1. дундын өмчлөлийн зарим эд хөрөнгийн засвар, хамгаалалт, үйлчилгээ нь тодорхой сууц өмчлөгчийн ашиг сонирхолд бусдынхаас илүү нийцэж байгаа бол; 34.4.2. сууц, сууцны бус зориулалттай хэсэгт хууль тогтоомжид нийцүүлэн үйлдвэрлэл, үйлчилгээ эрхэлж байгаа бол. 34.5. Сууц өмчлөгч өөрийн сууцыг ашиглаагүй, эсхүл бусдад ашиглуулаагүй тохиолдолд дундын өмчлөлийн эд хөрөнгийн цахилгаан шат, явган хүний шат ашигласны зардлын төлбөрөөс чөлөөлөгдөнө. Эх сурвалж: https://lawforum.parliament.mn/project/614/

Та бүхэнд өнөөдөр хөдөлмөр эрхлэлтийн хөтөлбөрүүдийн талаар бичиж байна. Хөдөлмөр халамж үйлчилгээний ерөнхий назрын сайтад байгаа мэдээллээс хэсэгчлэн оруулж байна. Хөдөлмөр эрхлэлтийн төсөл, хөтөлбөрүүд: Хөдөлмөр эрхлэлтийг дэмжих хөтөлбөр Эмэгтэйчүүдийн хөдөлмөр эрхлэлтийг дэмжих хөтөлбөр Ногоон ажлын байр хөтөлбөр Ахмадын хөдөлмөр эрхлэлтийг дэмжих хөтөлбөр Залуучуудын хөдөлмөр эрхлэлтийг дэмжих хөтөлбөр Аж ахуй эрхлэгчдийг дэмжих хөтөлбөр Хөдөлмөрт бэлтгэх хөтөлбөр гэх мэт Хөдөлмөр эрхлэлтийг дэмжих хөтөлбөр 2. Эмэгтэйчүүдийн хөдөлмөр эрхлэлтийг дэмжих хөтөлбөр 3. Ногоон ажлын байр хөтөлбөр Дарааллаар хөтөлбөрүүдийг оруулсан шүү. Найзуудаа аваад ашиглаад ажил хэрэг болгоорой. Эх сурвалж: https://hudulmur-halamj.gov.mn/

Өнөөдөр СӨХ-ны хөндлөнгийн аудитын талаар мэдээлэл оруулж байна. Нэлээд гүй хүмүүс СӨХ-д хөндлөнгийн аудит хийлгэх тухай холбогдож асууж лавлан хаана хандах вэ хэмээн асууж тодруулж байна. Асууж байгаа хүмүүсийн 99 хувь нь оршин суугчид байна. Энэ байдлаас харахад СӨХ-ны санхүүгийн үйл ажиллагаанд улмаар СӨХ-ны өөрийнх нь үйл ажиллагаанд шалгалт хийж дүгнэлт гаргаж судалгаа хийж ажил хэрэг болгох ёстой юм байнаа гэж ойлгож байна. Нэг сонин тал нь бараг СӨХ-ны Удирдлага болох УЗ, ХЗ, Гүйцэтгэх удирдлага бараг холбогдохгүй байгаа нь хачирхалтай санагдаж байна шүү. Аудит хийлгэхийн тулд эхлээд хаана хандах тухай асуултанд хариулт өгөхөд эхлээд УЗ, ХЗ, дүүргийн СӨХ хариуцсан мэргэжилтэн, СӨХ-ны холбоо, 1111 рүү хандсаны дараа хандаарай. Оршин суугчид нэгдэж нийлж асуудлаа шийдүүлээрэй. Аудитаар юу шийдэгдэх вэ гэвэл: 1. Танай СӨХ-ны санхүү, татварын тайлан үнэн зөв байгаа эсэхэд дүгнэлт гаргаж зөвлөгөө өгнө. 2. Танай оршин суугчдын авлагын үлдэгдлийг үнэн зөв гаргах ба санхүүгийн тайлангаасаа хэрхэн зөрж байгааг гаргаж өгнө. 3. Танай СӨХ-ны мөнгөний орлого, зарцуулалт хэрхэн явагдаж байгаа татварын баримттай тулган баталгаажуулна. 4. Мөнгөн урсгалыг гаргаж тайлагнана. 5. Хэн хэрхэн хэзээ хэдэн айл өрх СӨХ-ийн мөнгөө төлж байгаа, хэн төлөхгүй байгаа, яагаад төлөхгүй байгаа талаар гаргаж өгнө. Одоо СӨХ-тэй холбоотой хуулийн төсөл явж байгаа шүү төлбөрөө төлөөгүй айл өрхүүдийг Монголбанкны мэдээллийг санд оруулна гэвэл асуудал нэлээд тавигдах учраас эртхэн санхүүгийн асуудлаа шийдэж хэн хэдэн төгрөгийн авлага, өглөгтэй байгаа тодруулж байгаарай нэг л өдөр хууль хэрэгжиж эхэлнэ шүү. Амжилт. Оршин суугчдаа эрхээ эдэлж үүргээ биелүүлээрэй.

Амралтын өглөөний мэндээ. Өөрийнхөө сурсан мэдсэнээрээ дараах зүйлсүүдийг хүмүүст өгч болж байна. Зааварчилгаа өгөх Зөвлөгөө өгөх Онлайн курс хичээллүүлэх Цахим ном гаргах Дижитал бүтээгдэхүүн бий болгох Мэдлэг хуваалцах үйлчилгээ санал болгох Мэргэжлийнхээ чиглэлээр асуудлыг шийдэхэд нь дадлагажуулах, дасгалжуулах Онлайн хичээл оруулж зарах Мэдлэгээрээ гарын авлага боловсруулан зарах, онлайн орчинд байршуулах Мэдлэгээ бүтээгдэхүүн болгон зарах YouTube, Medium ашиглан мэдлэгээ дижитал бүтээгдхүүн болгон зарах Insagram ийг бүрэн дүүрэн ашиглах Өөрийн блогтой болж платформаараа дамжуулан контент хийж мөнгөтэй болох. За амжилт.

Өглөөний мэндээ. Сангийн сайдын 2025 оны 02 дүгээр сарын 06-ний өдрийн А/25 тоот тушаал "Аж ахуй нэгж, байгууллагын ангилал, шалгуур үзүүлэлт тогтоох журам"-ын талаар мэдээлэл оруулж байна. Аж ахуйн нэгж, байгуллагын ангилал шаргуур үзүүлэлтийг тогтоох журам нь дараах хэсгүүдтэй: Ерөнхий зүйл Аж ахуй нэгж байгууллагын ангилал Аж ахуй нэгж, байгууллагын шалгуур үзүүлэлтийг тогтоох Хариуцлага Нэг. Ерөнхий зүйл 1.1.Нягтлан бодох бүртгэлийн тухай хуулийн 4 дүгээр зүйлийн 4.2 дахь хэсэгт заасны дагуу аж ахуйн нэгж, байгууллагыг ангилах, шалгуур үзүүлэлтийг тогтоох ажиллагааг зохицуулахад энэхүү журмын зорилго оршино. Нягтлан бодох бүртгэлийн тухай хуулийн 4 дүгээр зүйлийн 4.2 дахь хэсэгт: Энэ ангилалд доор дурдсан аж ахуйн нэгж, байгууллагыг заавал хамруулна: 4.2.1.гадаад, дотоодын хөрөнгийн биржид бүртгүүлсэн бүх төрлийн хувьцаат компани; 4.2.2.гадаад, дотоодын хөрөнгийн биржид бүртгүүлэхээр хүсэлт гаргасан компани; 4.2.3.Зөвшөөрлийн тухай хуулийн 8.1 дүгээр зүйлийн 2, 6 дахь хэсэг, мөн зүйлийн 8 дахь хэсгийн 8.6, 8.14, 8.15 дахь заалт, 8.2 дугаар зүйлийн 2 дахь хэсэгт заасан чиглэлээр зөвшөөрөлтэй аж ахуйн нэгж, байгууллага; 4.2.4.төрийн болон орон нутгийн өмчит, тэдгээр өмчийн оролцоотой аж ахуйн нэгж; 4.2.5.эрчим хүч, дулаан, уур усаар хангах чиглэлээр үйл ажиллагаа эрхэлдэг нийтийн үйлчилгээний байгууллага; 4.2.6.улс төрийн нам, Монгол Улсын Засгийн газрын тухай хуулийн 19 дүгээр зүйлд заасан төрийн чиг үүргийг гэрээгээр хэрэгжүүлж байгаа төрийн бус байгууллага; 4.2.7.арилжааны банкны болон тусгай зориулалтын компани, хөрөнгө оруулалтын сан, виртуал хөрөнгийн үйлчилгээ үзүүлэгчийн чиглэлээр үйл ажиллагаа эрхэлдэг аж ахуйн нэгж, байгууллага. 1.2.Санхүүгийн тайлагналын олон улсын стандартыг мөрдөх аж ахуйн нэгж, байгууллагын ангилал, шалгуур үзүүлэлтийг тухайн байгууллагын санхүүгийн тайланд үндэслэн И-Баланс цахим систем /цаашид "цахим систем" гэх/-ээр тогтооно. Хоёр. Аж ахуй нэгж байгууллагын ангилал 2.1.Санхүүгийн тайлагналын олон улсын стандартыг мөрдөх аж ахуйн нэгж, байгууллагад Улсын бүртгэлийн ерөнхий газрын ХУР системд бүртгэлтэй хуулийн этгээд болон цахим татварын И-Такс системд бүртгэлтэй аж ахуйн нэгж, байгууллагууд хамаарна. Үүнд: 2.1.1.Нягтлан бодох бүртгэлийн тухай хуулийн 4.2.1-4.2.7-д заасан аж ахуйн нэгж, байгууллага; Нягтлан бодох бүртгэлийн тухай хуулийн 4 дүгээр зүйлийн 4.2 дахь хэсэгт: Энэ ангилалд доор дурдсан аж ахуйн нэгж, байгууллагыг заавал хамруулна: 4.2.1.гадаад, дотоодын хөрөнгийн биржид бүртгүүлсэн бүх төрлийн хувьцаат компани; 4.2.2.гадаад, дотоодын хөрөнгийн биржид бүртгүүлэхээр хүсэлт гаргасан компани; 4.2.3.Зөвшөөрлийн тухай хуулийн 8.1 дүгээр зүйлийн 2, 6 дахь хэсэг, мөн зүйлийн 8 дахь хэсгийн 8.6, 8.14, 8.15 дахь заалт, 8.2 дугаар зүйлийн 2 дахь хэсэгт заасан чиглэлээр зөвшөөрөлтэй аж ахуйн нэгж, байгууллага; 4.2.4.төрийн болон орон нутгийн өмчит, тэдгээр өмчийн оролцоотой аж ахуйн нэгж; 4.2.5.эрчим хүч, дулаан, уур усаар хангах чиглэлээр үйл ажиллагаа эрхэлдэг нийтийн үйлчилгээний байгууллага; 4.2.6.улс төрийн нам, Монгол Улсын Засгийн газрын тухай хуулийн 19 дүгээр зүйлд заасан төрийн чиг үүргийг гэрээгээр хэрэгжүүлж байгаа төрийн бус байгууллага; 4.2.7.арилжааны банкны болон тусгай зориулалтын компани, хөрөнгө оруулалтын сан, виртуал хөрөнгийн үйлчилгээ үзүүлэгчийн чиглэлээр үйл ажиллагаа эрхэлдэг аж ахуйн нэгж, байгууллага. 2.1.2.Иргэний хуулийн 36.2-т заасан сан, нэгтгэсэн санхүүгийн тайлан гаргадаг, гадаадын хөрөнгө оруулалттай аж ахуйн нэгж, байгууллагууд; Иргэний хуулийн 36.2 дахь хэсгийн 36.2.Нэг буюу хэд хэдэн үүсгэн байгуулагч нийгэмд ашиг тустай, нэгдмэл зорилгод хүрэхийн тулд эд хөрөнгө төвлөрүүлэх замаар байгуулсан гишүүнчлэлгүй хуулийн этгээдийг сан гэнэ. 2.1.3.энэ журмын 3.1-т заасны дагуу "санхүүгийн тайлагналын олон улсын стандартыг мөрдөх аж ахуйн нэгж, байгууллага" гэсэн ангилалд хамаарах байгууллагууд. Гурав. Аж ахуй нэгж, байгууллагын шалгуур үзүүлэлтийг тогтоох 3.1.Аж ахуйн нэгж, байгууллагын борлуулалтын орлогын хэмжээ 2.5 тэрбум төгрөгөөс дээш бол санхүүгийн тайлагналын олон улсын стандартыг мөрдөх аж ахуйн нэгж, байгууллага гэсэн ангилалд хамаарна. 3.2.Аж ахуйн нэгж, байгууллагын ангиллыг анх удаа тогтоохдоо борлуулалтын орлогын хэмжээг өмнөх жилийн орлогын дэлгэрэнгүй тайлангийн борлуулалтын орлого /цэвэр/ гэсэн мөрөнд тусгагдсан  дүнгээр цахим системээр тогтооно. 3.3.Аж ахуйн нэгж, байгууллагын  борлуулалтын орлогын хэмжээ тухайн тайлант жилд өөрчлөгдсөн тохиолдолд тайлант жилийн орлогын дэлгэрэнгүй тайлангийн борлуулалтын орлого /цэвэр/ гэсэн мөрөнд тусгагдсан  дүнгээр цахим системээр тогтооно. 3.4.Санхүүгийн тайлагналын олон улсын стандартыг мөрдөх аж ахуйн нэгж, байгууллага нь санхүүгийн тайлагналын олон улсын стандарт болон энэ тушаалаар батлагдсан шалгуур үзүүлэлтийг дагаж мөрдөх бөгөөд Аудитын олон улсын стандартын дагуу санхүүгийн тайландаа заавал аудит хийлгэнэ. Дөрөв. Хариуцлага 4.1.Энэ журамд зааснаар холбогдох ангилалд тохирох санхүүгийн тайлагналын олон улсын стандартыг мөрдөх аж ахуйн нэгж, байгууллагын гүйцэтгэх захирал, ерөнхий нягтлан бодогч нарт холбогдох хуульд заасан хариуцлагыг тооцно. Файлаар татаад хараарай. Амжилт . Эх сурвалж: https://legalinfo.mn/mn/detail?lawId=17355848986171&showType=1

Өглөөний мэндээ. Нийслэлийн иргэдийн төлөөлөгчдийн хурлын 2025 оны 01 дүгээр сарын 27-ний өдрийн 25/14 тоот тогтоол "Нийслэлийн нутаг дэвсгэрт мөрдөх таксинаас бусад нийтийн тээврийн үйлчилгээний төлбөрийн хэмжээг тогтоох тухай"-ын талаар мэдээлэл оруулж байна. Жич: "Зориулалтын карт"-д нийтийн тээврийн хэрэгслээр зорчиход ашиглах албан ёсны төлбөрийн биет болон биет бус карт, төлбөрийн апликейшн /QR/, ахмад настан, хөгжлийн бэрхшээлтэй хүн, оюутан сурагчийн картууд хамаарна.   Файлаар татаад хараарай. Амжилт . Эх сурвалж: https://legalinfo.mn/mn/detail?lawId=17356126961711&showType=1

Өглөөний мэндээ. Монгол Улсын Засгийн Газрын тогтоол 2024 оны 12 дугаар сарын 18-ний өдрийн 214 тоот дахь "Албан хэрэг хөтлөлтийн нийтлэг журам"-ын талаар журмын талаар мэдээлэл оруулж байна. Энэхүү журам нь дараах 2 хэсгээс бүрдэж байна. Албан хэрэг хөтлөлтийн нийтлэг журмын хавсралт АЛБАН ХЭРЭГ ХӨТЛӨЛТИЙН НИЙТЛЭГ ЖУРАМ 1. АЛБАН ХЭРЭГ ХӨТЛӨЛТИЙН НИЙТЛЭГ ЖУРМЫН ХАВСРАЛТ 1 дүгээр хавсралт: Боловсруулсан, хянасан тэмдэг 2 дугаар хавсралт: "Хуулбар хувь" тэмдэг - Хэмжээ (70x40мм) 3 дугаар хавсралт: Хэвлэмэл хуудасны бүртгэл - Хэмжээ А4(210x297мм) 4 дүгээр хавсралт: Хэвлэмэл хуудасны зарцуулалтын мэдээ - Хэмжээ А4(210x297мм) 5 дугаар хавсралт: Хэвлэмэл хуудас зарцуулсан тухай бүртгэл - Хэмжээ А4(297x210мм) 6 дугаар хавсралт: Ирсэн бичгийн бүртгэл - Хэмжээ А4(297x210мм) 7 дугаар хавсралт: Хяналтын карт - Хэмжээ А4(297x210мм) 8 дугаар хавсралт: Өргөдөл, гомдлын бүртгэл - Хэмжээ А4(210x297мм) 9 дүгээр хавсралт: Байгууллагад баримт бичиг хүлээн авсан бүртгэлийн тэмдэг - Хэмжээ (50x40мм) 10 дугаар хавсралт: Албаны цахим шуудангаар иирсэн баримт бичгийн бүртгэл - Хэмжээ А4(297x210мм) 11 дүгээр хавсралт: Явуулсан баримт бичгийн бүртгэл - Хэмжээ А4(210x297мм) 12 дугаар хавсралт: Захирамжлалын баримт бичгийн бүртгэл - Хэмжээ А4(210x297мм) 13 дугаар хавсралт: Байгууллагын баримт бичгийн эргэлтийн хэмжээг тооцох хүснэгт - Хэмжээ А4(210x297мм) 14 дүгээр хавсралт: Шийдвэрлэх хугацаа хэтэрсэн өргөдөл, гомдлын мэдээ - Хэмжээ А4(210x297мм) 15 дугаар хавсралт: Хариу ирээгүй баримт бичгийн мэдээ - Хэмжээ А4(210x297мм) 16 дугаар хавсралт: Өргөдөл, гомдлын шийдвэрлэлтийн тайлан мэдээ - Хэмжээ А4(297x210мм) 17 дугаар хавсралт: Байгууллагын хэмжээнд баримт бичгийг хянан шийдвэрлэсэн тухай мэдээ тайлан- Хэмжээ А4(297x210мм) 18 дугаар хавсралт: Ирсэн албан бичгийн шийдвэрлэлтийн мэдээ - Хэмжээ А4(297x210мм) 19 дүгээр хавсралт: Захирамжийн баримт бичгийн шийдвэрлэлтийн мэдээ - Хэмжээ А4(297x210мм) 20 дугаар хавсралт: Захирамжийн баримт бичгийн шийдвэрлэлтийн нэгдсэн мэдээ - Хэмжээ А4(297x210мм) 21 дүгээр хавсралт: Зохион байгуулалт, мэдээлэл-лавлагааны баримт бичгийн бүртгэл - Хэмжээ А4(297x210мм) 22 дугаар хавсралт: Зохион байгуулалтын баримт бичгийн шийдвэрлэлтийн мэдээ - Хэмжээ А4(297x210мм) 23 дугаар хавсралт: Зохион байгуулалтын баримт бичгийн шийдвэрлэлтийн нэгдсэн мэдээ- Хэмжээ А4(297x210мм) 24 дүгээр хавсралт: Албаны цахим шуудангаар явуулсан баримт бичгийн бүртгэл - Хэмжээ А4(297x210мм) Файлаар татаад хараарай. 2. АЛБАН ХЭРЭГ ХӨТЛӨЛТИЙН НИЙТЛЭГ ЖУРАМ 1: Нийтлэг үндэслэл 2: Албан хэрэг хөтлөлтийн талаар байгууллагын удирдлага, ажилтны хүлээх чиг үүрэг 3: Байгууллагын үйл ажиллагааг баримтжуулах 4: Баримт бичгийн эргэлтийн зохион байгуулалт 5: Баримт бичгийн шийдвэрлэлтэд хяналт тавих ажлын зохион байгуулалт 6: Албан хэрэг хөтлөлтийн явцад баримт бичигтэй ажиллах ажлын зохион байгуулалт 7: Албан хэрэг хөтлөлтийн үйл ажиллагаанд ашиглах мэдээллийн системд тавигдах шаардлага 8: Бусад зүйл Файлаар татаад хараарай. Амжилт . Эх сурвалж: https://legalinfo.mn/mn/detail?lawId=17356031220081

Өнөөдөр бүгдээрээ Төрийн бус байгуулага гэж юу болох, ямар санхүү, татварын тайлан гаргаж байгаа, мөн ямар санхүүгийн тайлангийн тодруулга, дансны жагсаалтын талаар тодорхой хүрээний мэдлэгтэй болцгооно. Төрийн бус байгууллагын хуулинд зааснаар: 1/"төрийн бус байгууллага" гэж иргэд, төрийн байгууллага / хууль тогтоох, гүйцэтгэх, шүүх эрх мэдлийг хэрэгжүүлэх байгууллага/-аас бусад хуулийн этгээдээс нийгмийн болон өөрсдийн ашиг сонирхол, үзэл бодлын үүднээс сайн дурын үндсэн дээр байгуулагдан үйл ажиллагаагаа төрөөс хараат бус, өөрийгөө удирдах зарчмаар явуулдаг ашгийн төлөө бус байгууллагыг; 2/"нийгэмд үйлчилдэг төрийн бус байгууллага" гэж соёл, урлаг, боловсрол, хүмүүжил, шинжлэх ухаан, эрүүл мэнд, спорт, байгаль орчин, орчин ахуйн хөгжил, хүний эрх, хүн амын тодорхой бүлэг, давхаргын эрх ашгийг хамгаалах, энэрлийн зэрэг чиглэлээр нийгмийн тусын тулд үйл ажиллагаа явуулдаг төрийн бус байгууллагыг; 3/"гишүүддээ үйлчилдэг төрийн бус байгууллага" гэж өөрийн гишүүдэд үйлчилдэг, тэдний хууль ёсны ашиг сонирхлыг хамгаалах үндсэн зорилготой, нийгэмд үйлчилдэгээс бусад төрийн бус байгууллагыг. Мөн хуулийн 5 дугаар зүйл "Төрийн бус байгууллага байгуулах, оролцох эрх" 1.Монгол улсын иргэн, төрийн байгууллагаас бусад хуулийн этгээд төрийн байгууллагаас зөвшөөрөл авахгүйгээр өөрсдийн ашиг сонирхол, үзэл бодлын үүднээс дангаараа буюу хамтран төрийн бус байгууллага байгуулах эрхтэй. 2.Төрийн бус байгууллага байгуулах иргэдийн эрхийг хууль бусаар хязгаарлахыг хориглоно. 3.Төрийн бус байгууллагад албадан оруулахыг хориглоно. 4.Төрийн бус байгууллагад эвлэлдэн нэгдсэний төлөө хүнийг ялгаварлан гадуурхах, эрх, эрх чөлөөг нь хязгаарлахыг хориглоно. 5.Төрийн бус байгууллагын үйл ажиллагаа нь олон түмэнд ил тод байх ба түүний гишүүд болон иргэд хэн ч тухайн байгууллагын тайлантай танилцаж болно. 6.Монгол Улсын нутаг дэвсгэрт хууль ёсоор байнга оршин суугаа гадаадын иргэд, харъяалалгүй хүмүүс Монгол Улсын хууль, олон улсын гэрээнд өөрөөр заагаагүй бол энэ хуульд заасан журмын дагуу төрийн бус байгууллага байгуулах буюу төрийн бус байгууллагад эвлэлдэн нэгдэж болно. Мөн хуулийн 19 дүгээр зүйл " Төрийн бус байгууллагын орлого" Төрийн бус байгууллагын орлого нь дараахь эх үүсвэрээс бүрдэж болно: 1/гишүүний татвар, хандив; 2/иргэд, аж ахуйн нэгж, байгууллагын хандив; З/дүрмийн зорилгоо хэрэгжүүлэхтэй холбогдсон аж ахуйн үйл ажиллагаанаас олсон орлого; 4/зээлийн, өвийн болон төсөл хэрэгжүүлэх зорилгоор улсын төсвөөс олгосон хөрөнгө; Мөн хуулийн 20 дугаар зүйл " Төрийн бус байгууллагын зарлага" 1.Төрийн бус байгууллага нь орлогоо зөвхөн дүрэмд заасан зорилгоо хэрэгжүүлэх үйл ажиллагаанд зарцуулна. 2.Төрийн бус байгууллагын орлогоос ногдол ашиг хуваарилах, иргэн, аж ахуйн нэгж, байгууллагад хөрөнгийн баталгаа гаргах, тэдгээрийн төлбөрийг төлөх зэргийг хориглоно. 3.Төрийн бус байгууллагын удирдах зөвлөлийн гишүүн ажилтнаас тухайн байгууллагын эд хөрөнгөөр хувийн ашиг олох зорилгоор санхүүгийн буюу аж ахуйн үйл ажиллагаа явуулахыг хориглоно. Мөн хуулийн 23 дугаар зүйл " Төрийн бус байгууллагын тайлан" 1.Төрийн бус байгууллага нь зохих журмын дагуу жилийнхээ тайлан тэнцлийг гаргаж дараа оны 2 дугаар сарын 15-ны дотор Татварын албанд өгнө. 2.Төрийн бус байгууллага үйл ажиллагааныхаа тайланг энэ зүйлийн 1 дэх хэсэгт заасан хугацаанд улсын бүртгэлийн асуудал эрхэлсэн төрийн захиргааны байгууллагад гаргаж өгөх бөгөөд түүнд дараахь асуудлыг тусгана: 1/төрийн бус байгууллагын хаяг; 2/үйл ажиллагааны тухай товч мэдээлэл; 3/жилийн орлого, зарлагыг дор дурдсан ангиллаар: а/ хандивын; б/ дүрмийн зорилгоо хэрэгжүүлэхтэй холбогдсон аж ахуйн үйл ажиллагааны; в/ өвлүүлсэн эд хөрөнгө. 4/700000-аас дээш төгрөгийн хандив буюу өвийн хөрөнгө өгсөн байгууллага, иргэний нэр, зүйлсийн жагсаалт; 5/удирдах зөвлөлийн дарга, гишүүн, гүйцэтгэх захирлын нэр, хаяг. Төрийн бус байгууллагын 1997 оны 1 дүгээр сарын 31-ний өдөр батлагдан өнөөдрийг хүртэл хэрэгжиж байгаа ТББ-ын хуулийг файлаар оруулсан хараарай. За одоо санхүүгийн үйл ажиллагаатай холбоотой Сангийн сайдын 2017 оны 12 дугаар сарын28-ны өдрийн 386 тоот тушаалын хавсралтаар батлагдсан Төрийн бус байгууллагад мөрдөгдөх "Нягтлан бодох бүртгэлийн дансны нэгдсэн жагсаалт"-ыг 1 дүгээр, "Санхүүгийн тайлан, тодруулгыг бэлтгэх заавар"-ыг 2 дугаар, "Санхүүгийн тайлангийн А маягт"-ыг 3 дугаар, "Санхүүгийн тайлангийн Б маягт"-ыг 4 дүгээр хавсралтуудын талаар мэдээлэл оруулж байна. Сангийн сайдын тушаал ТББ-д мөрдөх дансны нэгдсэн жагсаалт Төрийн бус байгууллагад мөрдөх дансны жагсаалтыг файлаар оруулсан хараарай. ТББ-ын санхүүгийн тайлан, түүний тодруулгыг бэлтгэх заавар: ТББ-ын санхүүгийн тайлан, түүний тодруулгыг бэлтгэх зааврыг файлаар оруулсан хараарай. ТББ-ын санхүүгийн тайлангийн А маягт: ТББ-ын санхүүгийн тайлангийн А маягтыг EXCEL хэлбэрээр файлаар оруулсан хараарай. ТББ-ын санхүүгийн тайлангийн Б маягт: ТББ-ын санхүүгийн тайлангийн Б маягтыг EXCEL хэлбэрээр файлаар оруулсан хараарай. Амжилт. Тодруулах зүйл гарвал манайтай холбоо бариарай.