Хайлт

Өмнөх дугаарт бид хуулийн зорилго, хуулийн тодорхойлолт, Холбооны тухай бичсэн бол энэ дугаарт бүх гишүүдийн хурал, Удирдах зөвлөл, Хяналтын зөвлөл, Гүйцэтгэх захирал, Сууц өмчлөгчдийн эрх, үүргийн тухай бичиж байна. Бид өнөөдөр "Сууц өмчлөгчдийн холбооны эрх зүйн байдал, нийтийн зориулалттай орон сууцны байшингийн дундын өмчлөлийн эд хөрөнгийн тухай" хуулийн тухай бичиж болно. Яагаад энэ тухай бичих болсон бэ гэвэл: Амьдрах орчин, орон сууц, СӨХ, Оршин суугч зэрэг эдгээр үгүүд хэн бүхэнд хамаатай улмаар хүн бүрийн мэдэх асуудлын нэг болоод байгаа учраас энэхүү хуулийн талаар мэдэхээс өөр аргагүй байдал үүсээд байна. Сууц өмчлөгчдийн холбооны эрх барих дээд байгууллагын эрх барих дээд байгууллага нь бүх гишүүдийн хурал байна. Дараах асуудлыг зөвхөн бүх гишүүдийн хурлаар хэлэлцэж шийдвэрлэнэ: холбооны дүрэм батлах, түүнд нэмэлт, өөрчлөлт оруулах; холбооны төсөв, тайлан, тэнцлийг хэлэлцэж батлах, орон сууцны хэвийн ажиллагааг хангах зорилгоор сан байгуулах, зээл авах; холбооны сан болон зээлийн хөрөнгийн бүрдүүлэлт, ашиглалт, захиран зарцуулалтыг шийдвэрлэх; удирдах болон хяналтын зөвлөлийн гишүүдийг сууц өмчлөгчдөөс сонгож, тайланг нь хэлэлцэх, тэдний үйл ажиллагаатай холбогдсон гомдлыг хянан шийдвэрлэх; холбоог өөрчлөн байгуулах; холбоог төрийн бус байгууллагад элсүүлэх, гишүүнээс гаргах; байшин болон орцны харуул хамгаалалтын асуудал; дэвсгэр болон орчны газрын ашиглалт, арчлалт, хамгаалалтын асуудал; сууц өмчлөгч сууцныхаа зориулалт, төлөвлөлтийг өөрчлөх зорилгоор орчны газарт барилга барих; тухайн орон сууцны байшингийн орчны газрыг зориулалтаар нь ашиглаж байгаа байдалд хяналт тавих; хууль, дүрэмд заасан бусад асуудал. Бүх гишүүдийн хурал: Бүх гишүүдийн хурал ээлжит болон ээлжит бус байна. Дүрэмд өөрөөр заагаагүй бол ээлжит хурлыг жилд нэгээс доошгүй удаа хуралдуулна. Ээлжит бус хурлыг удирдах болон хяналтын зөвлөл, гүйцэтгэх захирлын шийдвэрээр буюу бүх гишүүдийн гуравны нэгээс доошгүй хувийн санаачилгаар хуралдуулна. Хурлаас тогтоол, хурлын тэмдэглэл гаргах бөгөөд түүнд хурлын тэргүүлэгчид гарын үсэг зурж, холбооны тэмдгээр баталгаажуулна. Бүх гишүүдийн хурлын товыг хурал хуралдуулахаас 14-өөс доошгүй хоногийн өмнө гишүүдэд зарлаж, хурлаас гарах шийдвэрийн төслийг бичгээр мэдэгдэнэ. Хуралд хэлэлцэхээр товлоогүй асуудлыг зөвхөн хуралд оролцож байгаа гишүүдийн олонхийн саналаар хэлэлцэнэ. Бүх гишүүдийн хурлыг удирдах зөвлөлийн дарга, түүний эзгүйд хуралд оролцогчдын олонхийн саналаар удирдах зөвлөлийн аль нэг гишүүн даргална. Гишүүн өөрийн төлөөлөх этгээдийг бичгээр олгосон итгэмжлэлийн үндсэн дээр гишүүдийн хуралд оролцуулах, эсхүл хэлэлцэх асуудлын талаархи саналаа санал авах хуудсаар урьдчилан бичгээр өгч болох бөгөөд энэ тухайгаа бүх гишүүдийн хурал эхлэхээс өмнө хяналтын зөвлөлд мэдэгдсэнээр хуралд оролцсонд тооцно. Бичгээр урьдчилан санал өгсөн гишүүдийн тоо нь бүх гишүүдийн 20 хувиас хэтрэхгүй байна. Төлөөлөх тухай итгэмжлэл болон урьдчилан өгсөн санал нь гагцхүү тухайн хуралд хүчинтэй бөгөөд бүх гишүүдийн хурал хойшилсон боловч тухайн хурлаар хэлэлцэхээр товлосон асуудал өөрчлөгдөөгүй тохиолдолд итгэмжлэл, урьдчилан өгсөн санал дараагийн хуралд хүчинтэй хэвээр байна. Хуралд төрийн болон нутгийн захиргааны байгууллагаас гадна төрийн бус байгууллага, мэргэжлийн байгууллагын төлөөлөгчийг оролцуулж болно. Бүх гишүүдийн хурлын шийдвэр хүчин төгөлдөр болох: Хуралд оролцсон гишүүдийн олонхийн саналаар шийдвэр хүчин төгөлдөр болох бөгөөд хурлаас гарсан шийдвэрийг хуралд оролцоогүй буюу эсрэг санал өгсөн гишүүд биелүүлэх үүрэгтэй. Бүх гишүүдийн 50-иас дээш хувь оролцсоноор хурал хүчин төгөлдөр болно. Хэрэв сууц өмчлөгчид ногдох хэсгийн хориос дээш хувь нь нэг өмчлөгчтэй бол бүх гишүүдийн 75-аас дээш хувь оролцсоноор хүчин төгөлдөр болно. Бүх гишүүдийн 50-иас дээш хувь оролцоогүй, сууц өмчлөгчид ногдох хэсгийн хориос дээш хувь нь нэг өмчлөгчтэй бол бүх гишүүдийн 75-аас дээш хувь оролцоогүй хүрээгүй бол бүх гишүүдийн хурлыг хүчин төгөлдөр бус гэж үзэж, дахин хуралдуулах хугацааг товлоно. Дундын өмчлөлийн эд хөрөнгийн засвар, хамгаалалт, үйлчилгээтэй холбогдсон зардлыг хуваарилах асуудлыг хуралд оролцож буй гишүүдийн гуравны хоёроос доошгүй хувийн саналаар шийдвэрлэнэ. Удирдах зөвлөл, түүний эрх, үүрэг: Удирдах зөвлөлийн бүрэлдэхүүнд тухайн орон сууцны байшинд байнга оршин суудаг, насанд хүрсэн хүнийг сонгох бөгөөд удирдах зөвлөл нь орон тооны бус байна. Холбооны гишүүдийн тоо, орон сууцны байшингийн онцлогийг харгалзан давхар, орц, байшингийн оршин суугчдыг төлөөлөх удирдах зөвлөлийн гишүүдийн тоог бүх гишүүдийн хурлаас тогтооно. Удирдах зөвлөлийн гишүүн төлөөлүүлэх сууц өмчлөгчдийн олонхийн саналаар сонгогдоно. Удирдах зөвлөлийн даргыг зөвлөлийн гишүүдийн дотроос олонхийн саналаар сонгоно. Удирдах зөвлөлийн дарга болон гүйцэтгэх захирлын түр эзгүйд тэдгээрийн үүрэг гүйцэтгэгчийг удирдах зөвлөлийн хурлын шийдвэрээр томилно. Удирдах зөвлөлийн хурал нь ээлжит, ээлжит бус байна. Удирдах зөвлөлийн ээлжит хурлыг улиралд нэгээс доошгүй удаа хийх бөгөөд дүрэмд удирдах зөвлөлийн хуралдах тоог нэмэгдүүлэн зааж болно. Удирдах зөвлөл дараахь эрх эдэлж, үүрэг хүлээнэ: холбооны гүйцэтгэх захиралд нэр дэвших болзол, шалгуурыг тогтоох; холбооны гүйцэтгэх захирлыг сонгох, чөлөөлөх; дундын өмчлөлийн эд хөрөнгийг бусдад түрээслүүлэх, эзэмшүүлэх, ашиглуулах эсэхийг шийдвэрлэх; холбооны сангийн болон бусад мөнгөн хөрөнгийг захиран зарцуулах талаархи захирлын эрх хэмжээг тогтоох; гүйцэтгэх захирал, нягтлан бодогчийн цалинг тогтоох; холбооны гүйцэтгэх захирлын тайлан, төлөвлөгөөг хэлэлцэх; бүх гишүүдийн хурлын шийдвэрийг хэрэгжүүлэх ажлыг зохион байгуулах; гүйцэтгэх захиралтай гэрээ байгуулах, гэрээний биелэлтийг дүгнэх; бүх гишүүдийн хурлаар шийдвэрлэх асуудлыг хэлэлцэх. Удирдах зөвлөлийн ээлжит бус хурлыг удирдах зөвлөлийн гишүүн, хяналтын зөвлөл, гүйцэтгэх захирлын санаачилгаар хуралдуулж болно. Удирдах зөвлөлийн дарга дараахь эрх эдэлж, үүрэг хүлээнэ: удирдах зөвлөлийн болон бүх гишүүдийн хурлыг зарлах, зохион байгуулах, даргалах; удирдах зөвлөлийн үйл ажиллагааг зохион байгуулах; гүйцэтгэх захирал холбооны нэрийн өмнөөс бусадтай байгуулж байгаа гэрээнд хяналт тавих; бүх гишүүдийн болон удирдах зөвлөлийн хурлын тэмдэглэлийг хөтлүүлэх, шийдвэрийн биелэлтэд хяналт тавих; бүх гишүүдийн хуралд удирдах зөвлөлийн тайлан тавих; удирдах зөвлөлийн гишүүн болон гүйцэтгэх захиралд үүрэг өгөх; Гүйцэтгэх захирал холбооны эд хөрөнгийг эзэмших, ашиглах, захиран зарцуулах талаархи бүх гишүүдийн болон удирдах зөвлөлийн хурлаас тогтоосон эрхээ хэтрүүлэх буюу урвуулан ашиглах зэрэг үйл ажиллагаанаас холбоонд хохирол учруулсан бол уг хохирлыг өөрийн хувийн өмчийн эд хөрөнгөөр барагдуулна" гэж заасан асуудлаар шүүхэд нэхэмжлэл гаргах; бүх гишүүдийн хурлын болон хяналтын зөвлөлийн шийдвэрийн бүртгэл хөтлөх. Хяналтын зөвлөл, түүний эрх үүрэг: Холбоонд хамрагдсан байшингийн тооноос хамаарч 3-аас доошгүй хүний бүрэлдэхүүнтэй, орон тооны бус хяналтын зөвлөлийг байгуулах бөгөөд Хяналтын зөвлөл нь сууц өмчлөгчдийн хяналтын үүргийг гүйцэтгэнэ. Хяналтын зөвлөл дараахь эрх эдэлж, үүрэг хүлээнэ: гүйцэтгэх захирлын үйл ажиллагаанд хяналт тавих; холбооны үйл ажиллагаа хууль тогтоомж болон холбооны дүрэмд нийцэж байгаа эсэхийг хянах; нягтлан бодох бүртгэл хөтлөлт, тайлан, тэнцэл хууль тогтоомжийн дагуу үнэн зөв хийгдсэн эсэхийг хянах; эд хөрөнгийн үнэлгээ зөв эсэхийг шалгах; холбооны санхүүгийн болон бусад үйл ажиллагаатай холбогдсон зөрчлийг арилгуулах арга хэмжээ авах, шаардлагатай бол холбооны банкин дахь харилцах дансыг түр хугацаагаар хааж гүйлгээг зогсоох арга хэмжээ авах; холбооны санхүүгийн болон бусад үйл ажиллагаатай холбогдсон зөрчлийг арилгуулах талаар шүүх болон холбогдох бусад байгууллагад хандах; бүх гишүүдийн хуралд үйл ажиллагааныхаа талаар тайлагнах; дүрэмд заасан бусад эрх, үүрэг. Хяналтын зөвлөлийн гишүүн шалгасан баримт бичиг, тайлан, тэнцлийн нууцыг хадгалах бөгөөд Хяналтын зөвлөлийн гишүүдийн олонхи нь оролцсоноор хяналтын зөвлөлийн хурал хүчин төгөлдөр болно. Хуралд оролцогчдын олонхийн саналаар хяналтын зөвлөлийн хурлын шийдвэр хүчин төгөлдөр болно. Дундын өмчлөлийн эд хөрөнгийг ашиглан шамшигдуулсан, үрэгдүүлсэн, бусад хэлбэрээр хохирол учруулсан гэж хяналтын зөвлөл үзвэл хохирлыг арилгахыг шаардах, эсхүл эрх бүхий байгууллагад хандаж шийдвэрлүүлнэ. Гүйцэтгэх захирал, түүний эрх үүрэг: Бүх гишүүдийн хурлын чөлөөт цагт холбооны өдөр тутмын үйл ажиллагааг холбооны дүрэмд заасан эрх хэмжээ, удирдах зөвлөлтэй байгуулсан гэрээний хүрээнд гүйцэтгэх захирал эрхэлнэ. Гүйцэтгэх захирлаар удирдах болон хяналтын зөвлөлийн гишүүний төрөл, садангийн бус хүнийг сонгоно. Дүрэмд өөрөөр заагаагүй бол гүйцэтгэх захирлаар холбооны гишүүн бус хүнийг сонгож болно. Гүйцэтгэх захирал дараахь эрх эдэлж, үүрэг хүлээнэ: дундын өмчлөлийн эд хөрөнгийн ашиглалт, хамгаалалт, засвар, үйлчилгээнд шаардагдах хөрөнгийг холбооны дансанд төвлөрүүлэх; холбооны дүрэмд өөрөөр заагаагүй бол дундын өмчлөлийн эд хөрөнгөд засвар, үйлчилгээ хийлгэх, орон сууцны хэвийн байдлыг хангах талаар үйлчилгээний мэргэжлийн байгууллагатай гэрээ байгуулах, биелэлтийг хангуулах; холбооны мөнгөн хөрөнгийг түүний зорилго, үйл ажиллагааны чиглэл, бүх гишүүдийн хурлын шийдвэрт нийцүүлэн энэ хууль, хууль тогтоомжийн бусад акт болон холбооны дүрмээр олгосон эрх хэмжээний дотор зөвхөн дундын өмчлөлийн эд хөрөнгийн ашиглалт, хамгаалалт, засвар үйлчилгээ, бусад нийтлэг зардалд зориулан захиран зарцуулах; энэ хууль болон Иргэний хуулийн 148.2-т заасан үүргээ биелүүлээгүйгээс бусдад учруулсан хохирлыг барагдуулахыг сууц өмчлөгчдөөс шаардах, уг шаардлагыг сайн дураар биелүүлээгүй бол Иргэний хуулийн 149.2-т заасны дагуу холбооны нэрийн өмнөөс шүүхэд нэхэмжлэл гаргах; дундын өмчлөлийн эд хөрөнгийг түрээслүүлэх, эзэмшүүлэх, ашиглуулах талаарх гэрээг холбооны нэрийн өмнөөс байгуулах; холбооны нэрийн өмнөөс буюу 2-оос доошгүй сууц өмчлөгчийн хүсэлтээр эрх бүхий байгууллагад асуудал тавьж шийдвэрлүүлэх; сууц өмчлөгчдийн болон орон сууцны байшингийн бүртгэлийн хувийн хэргийг шаардлагын хэмжээнд байнга хөтөлж, баяжилт хийх; холбооны нэрийн өмнөөс орон сууцны байшингийн дэвсгэр болон орчны газрыг ашиглах тухай хүсэлтийг Газрын тухай хуулийн 441 дүгээр зүйлд заасны дагуу зохих шатны Засаг даргад гаргах, газар ашиглах гэрээ байгуулах; гүйцэтгэх захирлыг үүрэгт ажлаас нь чөлөөлсөн тухай удирдах зөвлөлийн шийдвэр гарвал уг шийдвэр гарсан өдрөөс хойш ажлын 3 хоногт багтаан холбооны тэмдэг болон бусад зүйлсийг удирдах зөвлөлд хүлээлгэн өгөх; хууль, дүрэмд заасан бусад эрх, үүрэг. Гүйцэтгэх захирал жилд 2-оос доошгүй удаа удирдах зөвлөлийн хуралд ажлаа тайлагнана. Гүйцэтгэх захирал холбооны эд хөрөнгийг эзэмших, ашиглах, захиран зарцуулах талаархи бүх гишүүдийн болон удирдах зөвлөлийн хурлаас тогтоосон эрхээ хэтрүүлэх буюу урвуулан ашиглах зэрэг үйл ажиллагаанаас холбоонд хохирол учруулсан бол уг хохирлыг өөрийн хувийн өмчийн эд хөрөнгөөр барагдуулна. Эх сурвалж Сууц өмчлөгчдийн холбооны эрх зүйн байдал, нийтийн зориулалттай орон сууцны байшингийн дундын өмчлөлийн эд хөрөнгийн тухай хууль

Амралтын өглөөний мэндээ. Өнгөрсөн онд бид "HOOME" тэй хамтран СӨХ-тэй холбоотой 5-6 удаагийн зөвхөн санхүүгийн ажилтнуудад сургалт хийсэн билээ сургалтууд амжилттай явсан гэж үзэж болохоор байна. Яагаад гэвэл хүмүүс бидэнд маш их хандаж байна. Дараах асуултууд тавьж хариулт авахыг хүсч байна. Үүнд: СӨХ гэгч ямар байгуулага вэ Оршин суугчид ямар эрх үүрэгтэй вэ СӨХ-ийн Удирдах зөвлөл гэж хэн бэ, энэ хүмүүсийг хэрхэн ажиллуулах вэ СӨХ-ийн Хяналтын гэж хэн бэ, энэ хүмүүсийг хэрхэн ажиллуулах вэ СӨХ-ийн Гүйцэтгэх захирал гэж хэн бэ, энэ хүмүүсийг хэрхэн ажиллуулах вэ Яагаад СӨХ ажиллахгүй байгаа СӨХ-ийн санхүү хэнд хэрэгтэй яагаад оршин суугчдаас нуугаад байгаа Хэн хэрхэн гомдол саналаа дэс дараатайгаар гаргах вэ Хаана харьяалагддаг вэ Гомдлоо хаана гаргах вэ Оршин суугчид би юу хийж чадах вэ Эхний асуултанд хариулт өгөх бөгөөд дараалал хариултуудыг оруулах болно: "СУУЦ ӨМЧЛӨГЧДИЙН ХОЛБООНЫ ЭРХ ЗҮЙН БАЙДАЛ, НИЙТИЙН ЗОРИУЛАЛТТАЙ ОРОН СУУЦНЫ БАЙШИНГИЙН ДУНДЫН ӨМЧЛӨЛИЙН ЭД ХӨРӨНГИЙН ТУХАЙ" хуульд "сууц өмчлөгчдийн холбоо" гэж нийтийн зориулалттай орон сууцны байшин /цаашид "орон сууцны байшин" гэх/-гийн дундын өмчлөлийн эд хөрөнгийг дундаа хамтран өмчлөх эрхийг хэрэгжүүлэх, тухайн орон сууцны байшингийн ашиглалтын хэвийн байдлыг хангах, сууц өмчлөгчдийн эрх, ашиг сонирхлыг хамгаалах, орон сууцны байшингийн дундын өмчлөлийн эд хөрөнгийн эзэмшил, ашиглалт, хамгаалалтыг эрхлэн хариуцах зорилго бүхий, хуулийн этгээдийн эрхгүй, заавал гишүүнчлэлтэй холбоог; 5 дугаар зүйл.Сууц өмчлөгчдийн холбоо 5.1.Сууц өмчлөгчдийн холбоо /цаашид "холбоо" гэх/-ны эрх зүйн байдал нь Иргэний хуулийн 143 дугаар зүйл болон энэ хуулиар тодорхойлогдоно. 5.2.Орон сууцны нэг байшинд нэг холбоо байх бөгөөд зэрэгцэн орших хэд хэдэн орон сууцны байшин дахь сууц өмчлөгчид нэгдэн нэг холбоо байгуулж болно. 5.3.Холбоог зохион байгуулах хурлыг сууц өмчлөгчдийн санаачилгаар хуралдуулна. Шаардлагатай тохиолдолд тухайн нутаг дэвсгэрт байгаа орон сууц хувьчлах товчоо болон тухайн шатны Засаг даргын санаачилгаар хуралдуулна. 5.4.Холбоог зохион байгуулах хурлын шийдвэрт хурлын тэргүүлэгчид гарын үсэг зурснаар түүнийг байгуулагдсанд тооцно. 5.5.Холбоо нь тогтоосон журмын дагуу үйлдсэн тэмдэг, хэвлэмэл хуудас хэрэглэх бөгөөд банкинд харилцах данстай байна. 5.6.Сууц өмчлөгч бүр бүх гишүүдийн хуралд өмчилж буй сууц бүрийн тоогоор саналын нэг эрхтэй оролцох бөгөөд тухайн орон сууцны байшингийн хэд хэдэн сууцыг нэгтгэн нэг сууц болгон өөрчилсөн сууц өмчлөгч нь нэгтгэсэн сууц бүрийн тоогоор саналын нэг эрхтэй байна. 5.7.Хуульд өөрөөр заагаагүй бол холбоо нь гишүүдийн хүлээх үүргийг, гишүүд нь холбооны хүлээх үүргийг хариуцахгүй. 5.8.Холбоо нь дундын өмчлөлийн эд хөрөнгө, шугам сүлжээний засвар, үйлчилгээг гэрээний үндсэн дээр мэргэжлийн байгууллагаар гүйцэтгүүлэх бөгөөд засвар, үйлчилгээ хийлгэх мэргэжлийн байгууллагаа чөлөөтэй сонгох эрхтэй. "Иргэний хуулийн 143 дугаар зүйл болон энэ хуулиар тодорхойлогдоно" - 143 дугаар зүйл. Сууц өмчлөгчдийн холбоо 143.1.Нийтийн зориулалттай орон сууцны нэг байшинд хоёр буюу түүнээс дээш өрх сууц өмчлөгч болсон тохиолдолд дундын өмчлөлийн эд хөрөнгийг дундаа өмчлөх эрхийг хэрэгжүүлэх, орон сууцны ашиглалтын хэвийн байдлыг хангах, сууц өмчлөгчдийн эрх, ашиг сонирхлыг хамгаалах зорилгоор сууц өмчлөгчдийн холбоо /цаашид "холбоо" гэх/-г байгуулна. 143.2.Зэрэгцэн орших хэд хэдэн орон сууцны барилгад сууц өмчлөгчид нэгдэн нэг холбоо байгуулж болно. 143.3.Сууц өмчлөгчдийн холбоо хуулийн этгээдийн эрхгүй байна. 143.4.Орон сууцанд оршин суугаа сууц өмчлөгч бусад этгээд заавал тухайн холбооны гишүүн байна. 143.5.Орон сууцны бүрэлдэхүүнд төрийн болон орон нутгийн өмчийн сууц байгаа бол өмчлөгчийн эрх бүхий байгууллагаас томилсон төлөөлөгч холбооны гишүүн байна. 143.6.Сууц өмчлөгчдийн холбооны асуудлыг хуулиар зохицуулна. Эх сурвалж: https://legalinfo.mn/mn/detail/463 https://legalinfo.mn/mn/detail/299

Өнөөдөр СӨХ-ийн тухай өгүүлж байгаа бөгөөд СӨХ гэгч эрхгүй байгууллагын дүрмийн төслийг файлаар орууллаа. Саналаа өгцгөөгөөрэй. Дүрийн төслийг PDF болон Word хэлбэрээр оруулж байна. Эх сурвалж: https://mcud.gov.mn/forum/30

Бид өнөөдөр "Сууц өмчлөгчдийн холбооны эрх зүйн байдал, нийтийн зориулалттай орон сууцны байшингийн дундын өмчлөлийн эд хөрөнгийн тухай" хуулийн тухай бичих болно. Сууц өмчлөгчдийн эрх үүрэг: Сууц өмчлөгч нь дараахь эрхтэй: Иргэний хуулийн 148.1, 149 дүгээр зүйлд заасан эрх; холбоо болон бусад сууц өмчлөгчдөөс зөвшөөрөл авахгүйгээр дангаар өмчлөх сууцаа захиран зарцуулах; хурлын тогтоол, тэмдэглэлтэй танилцах, үнэн зөв эсэхийг хянах; засвар, үйлчилгээний хөлс, зардал үндэслэлтэй эсэхийг холбогдох байгууллагад тавьж шийдвэрлүүлэх; хуульд заасан бусад эрх. Сууц өмчлөгч нь дараахь үүрэгтэй: Иргэний хуулийн 148.2 болон энэ хууль, холбооны дүрмийг сахин биелүүлэх; бүх гишүүдийн болон удирдах зөвлөлийн хурлын шийдвэрийг биелүүлэх; дундын өмчлөлийн эд хөрөнгийн ашиглалт, хамгаалалт, засвар, үйлчилгээтэй холбогдсон болон бусад нийтлэг зардлыг санхүүжүүлэхэд Иргэний хуулийн 147 дугаар зүйл болон энэ хуулийн 16 дугаар зүйлд заасны дагуу оролцох; өөрийн сууцны доторхи засвар, үйлчилгээний бүх зардлыг хариуцахаас гадна мэргэжлийн байгууллагаас үзүүлсэн үйлчилгээний хөлсийг төлөх; гэр бүлийн гишүүд, түүнчлэн өөрийнх нь сууцыг эзэмшиж байгаа этгээд бусдын сууцанд болон дундын өмчлөлийн эд хөрөнгөд хохирол учруулбал уг хохирлыг өөрийн хөрөнгөөр арилгах; сууцаа бусдад эзэмшүүлж, ашиглуулж байгаа бол эзэмшигч, ашиглагчийн гүйцэтгээгүй үүргийг гүйцэтгэх; сууцныхаа зориулалт, төлөвлөлт, үндсэн бүтээц, хийц, инженерийн шугам сүлжээг эрх бүхий байгууллагын зөвшөөрөлгүйгээр өөрчлөхгүй байх; сууц өмчлөх эрхээ бусдад шилжүүлэхдээ холбоонд мэдэгдэх; хуульд заасан бусад үүрэг. Сууц худалдан авагч нь сууцыг өөрийн өмчлөлдөө шилжүүлэхээс өмнө уг сууцтай холбоотой биелэгдээгүй үүрэг байгаа эсэхийг худалдагч болон холбогдох байгууллагуудаас магадлах үүрэгтэй бөгөөд уг үүргийг биелүүлээгүйгээс үүсэх үр дагаврыг өөрөө бүрэн хариуцна. Орон сууцны бүртгэл: Орон сууцны бүртгэл нь тухайн орон сууцны байшин дахь сууц, дундын өмчлөлийн эд хөрөнгийн бүртгэлээс бүрдэнэ. Орон сууцны бүртгэлд дараахь зүйлийг тусгана: орон сууцны байшингийн иж бүрэн зураг, төсөл сууц бүрийн дугаар, нийт талбайн хэмжээ, өрөөний тоо, сууц өмчлөгчдийн овог, эцэг /эх/-ийн нэр, иргэний бүртгэлийн дугаар, өмчлөгч нь хуулийн этгээд бол түүний нэр, улсын бүртгэлийн дугаар тухайн орон сууцны байшин дахь сууцны бус зориулалттай хэсгийг өмчлөгчийн овог, эцэг /эх/-ийн нэр, иргэний бүртгэлийн дугаар, өмчлөгч нь хуулийн этгээд бол түүний нэр, улсын бүртгэлийн дугаар, түүний өмчилж байгаа хэсгийн талбайн хэмжээ дундын өмчлөлийн эд хөрөнгийн бүртгэл, дэвсгэр болон орчны газрын хэмжээ Орон сууцны байшингийн дундын өмчлөлийн эд хөрөнгөд дараахь эд хөрөнгө хамаарна: орон сууцны байшингийн гадна хана, даацын хана, багана, доод хонгил, дээвэр, дээврийн хонгил, цахилгаан болон явган шат, шатны хонгил, сууцны бус зориулалттай техникийн болон нэгдүгээр давхрын үйлчилгээний өрөө, сууц хоорондын талбай, түүний тагт, сууцны доторх дундын өмчлөлийн зүйл, тоног төхөөрөмж, орцны цонх, хаалга, довжоо, саравч, хог зайлуулах хоолой, орон сууцны байшингийн халаалт болон халуун, хүйтэн усны шугам сүлжээний удирдах зангилааны анхны хаалт, цахилгааны оролтын самбар, холбооны шугамын давхрын холболтын хайрцаг хүртэлх, шалны +0.00 тэмдэгтээс дээшхи бохир усны шугам сүлжээнүүд, тухайн орон сууцны дээрх болон доорх нийтийн зориулалттай усан сан, машины зогсоол, тэдгээртэй адилтгах байгууламж зэрэг эд хөрөнгө холбооны сангийн хөрөнгө Холбооны сангийн хөрөнгө нь дараахь эх үүсвэрээс бүрдэнэ: сангийн хөрөнгийн чөлөөт үлдэгдлийг банкинд хадгалуулсны хүү; холбооны санд оруулсан хандив, тусламж; холбооны аж ахуйн үйл ажиллагаанаас олсон орлого; засвар үйлчилгээнд зориулан төвлөрүүлэн хуримтлуулсан мөнгөн хөрөнгө; зээлийн хөрөнгө; бусад эх үүсвэр. Холбооны сангийн хөрөнгийг дундын өмчлөлийн эд хөрөнгийн ашиглалт, хамгаалалт, засвар, үйлчилгээний болон бусад нийтлэг зардлаас өөр зүйлд зарцуулахыг хориглоно. Сууц өмчлөгчид нь дундын өмчлөлийн эд хөрөнгийг дундаа хамтран өмчлөх бөгөөд холбооны дүрэмд заасан бол дундын өмчлөлийн эд хөрөнгийг гэрээний үндсэн дээр тодорхой нэг этгээдийн эзэмшил, ашиглалтад шилжүүлж болно. Сууц өмчлөгчид нь орон сууцны байшингийн дундын өмчлөлийн эд хөрөнгийг дундаа хамтран өмчлөх, орон сууцны байшингийн дэвсгэр болон орчны газрыг эзэмших, ашиглах эрхээ хэрэгжүүлэхдээ инженерийн шугам сүлжээ, тоног төхөөрөмжийн ашиглалт, засвар, үйлчилгээ эрхэлж буй мэргэжлийн байгууллагад саад учруулахыг хориглоно. Орон сууцны байшингийн орчны газрыг хязгаартай ашиглах эрхийг Иргэний хуулийн 151 дүгээр зүйлд зааснаар хэрэгжүүлэх бөгөөд хязгаартай ашиглах газар /сервитут/-ын хэмжээг Барилгын тухай хуулийн 8 дугаар зүйл болон барилгын норм, стандартад зааснаар тогтоох бөгөөд орчны газрыг холбоо гэрээний үндсэн дээр ашиглана. Дундын өмчлөлийн эд хөрөнгийн засвар, хамгаалалт, үйлчилгээний зардлыг хуваарилах: Тухайн зардлыг Иргэний хуулийн 147 дугаар зүйлийг мөрлөгө болгох бөгөөд Орон сууцны байшингийн нэг буюу хэд хэдэн сууцанд хамаарах дундын өмчлөлийн эд хөрөнгө /инженерийн шугам сүлжээ, салхижуулалтын хоолой, давхрын хаалга болон бусад тоног төхөөрөмж гэх мэт/-ийн засвар, үйлчилгээтэй холбогдсон зардлыг тухайн эд хөрөнгийг ашиглаж байгаа сууц өмчлөгчид хувааж төлнө. Орон сууцны байшингийн дундын өмчлөлийн эд хөрөнгийн их засварт зориулан сууц өмчлөгчдийн холбоонд төрөөс төсвийн зээл олгож болох бөгөөд төсвийн зээл олгох журмыг Засгийн газар батална. Дундын өмчлөлийн эд хөрөнгийн засвар, хамгаалалт, үйлчилгээтэй холбогдсон зардлыг дараахь тохиолдолд дор дурдсан сууц өмчлөгчдөөр бусад сууц өмчлөгчдөөс илүү өндөр хэмжээгээр төлүүлж болох бөгөөд ийнхүү төлөх хэмжээг бүх гишүүдийн хурлаар тогтооно: дундын өмчлөлийн зарим эд хөрөнгийн засвар, хамгаалалт, үйлчилгээ нь тодорхой сууц өмчлөгчийн ашиг сонирхолд бусдынхаас илүү нийцэж байгаа бол сууц, сууцны бус зориулалттай хэсэгт хууль тогтоомжид нийцүүлэн үйлдвэрлэл, үйлчилгээ эрхэлж байгаа бол Дундын өмчлөлийн эд хөрөнгийн засвар, үйлчилгээтэй холбогдсон зардал хуваарилах асуудлыг бүх гишүүдийн хурлаар шийдвэрлэх бөгөөд Орон сууцны байшингийн ашиглалтын хугацаанд дундын өмчлөлийн эд хөрөнгөд хамаарах дээвэр, цахилгаан шат зэрэгт их засвар хийх үед их хэмжээний хөрөнгө шаардагдах бол барилгын хяналтын байгууллагын дүгнэлтийг үндэслэн улсын болон орон нутгийн төсвөөс нэг удаа санхүүжүүлж болно. Орон сууцны асуудал эрхэлсэн төрийн захиргааны төв байгууллагын бүрэн эрх: сууц өмчлөгчдийн холбооны эрх зүйн байдал, нийтийн зориулалттай орон сууцны байшингийн дундын өмчлөлийн эд хөрөнгийн тухай хууль тогтоомжийг хэрэгжүүлэх арга хэмжээ авах, биелэлтэд хяналт тавих; орон сууцны байшингийн зориулалт, төлөвлөлт, инженерийн шугам сүлжээ, үндсэн бүтээц, хийцийг өөрчлөхөд тавих шаардлагыг тогтоох; холбооны үйл ажиллагааг дэмжих; холбооны үлгэрчилсэн дүрмийг батлах. Аймаг, нийслэл, сум, дүүргийн Засаг даргын бүрэн эрх: холбоог зохион байгуулах хурлын шийдвэрийг үндэслэн сум, дүүргийн Засаг даргын тамгын газар холбоог бүртгэх; холбогдох хууль тогтоомжийг хэрэгжүүлэх арга хэмжээ авах, биелэлтэд хяналт тавих; холбооны үйл ажиллагааг дэмжих; холбоонд тухайн орон сууцны байшингийн ерөнхий төлөвлөгөөг үндэслэн дэвсгэр болон орчны газрыг газрын тухай хууль тогтоомжид заасны дагуу тодорхой болзолтойгоор гэрээний дагуу ашиглуулах; хэд хэдэн холбоонд хамаарч буй орчны газрын тохижилт, үйлчилгээг хамтран хариуцах талаархи холбооны эрх, үүрэг, хариуцлагыг гэрээнд нарийвчлан тусгаж, хэрэгжүүлэхэд нь дэмжлэг үзүүлэх, хяналт тавих; дундын өмчлөлийн эд хөрөнгийн засварт орон нутгийн төсвөөс зээл олгох, хөрөнгө оруулалт хийх хэмжээг тогтоох; холбооны гишүүдийн хүсэлтээр болон шаардлагатай бол санаачлагаараа холбооны үйл ажиллагаанд эрх бүхий байгууллага, албан тушаалтнаар хяналт, шалгалт хийлгэж, дүгнэлт гаргуулах. Мэргэжлийн байгууллагын эрх, үүрэг: орон сууцны байшингийн дундын өмчлөлийн эд хөрөнгөд гэрээний дагуу засвар үйлчилгээ хийсэн тохиолдолд зардлыг холбооноос тухай бүр төлүүлэх; цэвэр, бохир ус, дулаан, цахилгаан, харилцаа холбооны зэрэг үйлчилгээг хэрэглэгч хүртэл хариуцах; дундын өмчлөлийн эд хөрөнгийн хэвийн ажиллагаанд байнгын хяналт тавьж, хэвийн ажиллагааг хангах үүднээс холбоотой хамтран жилд 2-оос доошгүй удаа урьдчилан сэргийлэх үзлэг явуулж, дүгнэлт гарган шаардлагатай арга хэмжээ авах ажлыг зохион байгуулах. орон сууцны инженерийн гадна шугам сүлжээ, тоног төхөөрөмжийн засвар, үйлчилгээг тогтоосон хугацаанд хийж, ашиглалтын хэвийн үйл ажиллагааг хангах. Сууц өмчлөгдийн холбоог татан буулгах: тухайн орон сууцны байшингийн бүх сууц нэг этгээдийн өмчлөлд шилжсэн; Иргэний хуулийн 144 дүгээр зүйлд заасан үндэслэл бий болсон. Холбоог тухайн орон сууцны байшингийн бүх сууц нэг этгээдийн өмчлөлд шилжсэнээс өөр үндэслэлээр татан буулгахыг хориглоно. Эх сурвалж Сууц өмчлөгчдийн холбооны эрх зүйн байдал, нийтийн зориулалттай орон сууцны байшингийн дундын өмчлөлийн эд хөрөнгийн тухай хууль

Энэ удаад та бүхэнд СӨХ-ийн харилцахын тайлангаа хэрхэн хөтлөх талаар оруулж байна. Харилцах хариуцсан нягтлан бодогч нь банкны харилцах дансыг банкны хуулгаас EXCEL хэлбэрээр татан авч эх хувилбарыг тусгайлан хадгална. Энэхүү хадгалсан файл нь ямар нэгэн шалгалт орох, хөрөнгө оруулагч, захирал болон эрх бүхий ажилтнууд ашиглаж аналик хийхэд нэн тустай. Тусгайлан хадгалсан банкны эх хуулбараас хулбарлан авч өөрийн санхүүгийн тайлан бэлтгэх хэсэгт байршуулан харилцах хариуцсан нягтлан бодогч та боловсруулалт хийнэ. Харилцах дансны боловсруулалт хийх загварыг орууллаа. Дагаад хийгээрэй. Амжилт. Харилцах дансыг EXCEL дээр боловсруулахдаа огноо буюу он сарыг салгаж анализ хийхэд улмаар Ерөнхий журналын боловсрууллат хийхэд ашиглах хэмжээнд хийвэл нэн тустай. Гүйлгээний утгыг 1-3 үгэнд багтаан товч бөгөөд тодорхой боловсруулах хэрэгтэй. Тухайлбал: Интернэт банкны шимтгэл, дансны шимтгэл, харилцахын шимтгэл гэсэн үгнүүдийг харилцагч банкны теллерүүд их ашиглан бичсэнийг- Банкны шимтгэл Цалин, цалин олгов, олголоо, олгосон- Цалин олгов Татварт, татварт төлөв, татварт суутгав-Төлөв-ХХОАТ, Төлөв-НДШ, Төлөв-НӨАТ.. Түрээс төлөв, түрээс, гэрээт хөлс- Түрээс-Оффис, Түрээс-Машин механизм.. Одоо харин бусад байгууллагаас ялгарах ганцх зүйл бол Оршин суугчдын нэршил, хэрхэн кодлож бүртгэх талаар бичье. Харилцагч банкнаас маш олон оронтой юу нь мэдэгдэхгүй эсвэл, орлого, оршин суугч орлого, эсвэл тухайн хүниий нэрийг хүртэл бичсэн EXCEl хүснэгтийг хараад ангилалт хийнэ. Энэ нь шүүхэд амар тухайн оршин суугчийн мэдээлэл бүрэн агуулагдсан байх ёстой. Миний бодол: дараах дарааллаар байвал ямар вэ гэж оруулж байна. Байрны дугаар Орцны дугаар Хаалганы дугаар Бас зарим оршин суугч өөр банкнаас өөрийнхөө нэрээр, утасны дугаараар, өөр хүн өмнөөс нь шилжүүлсэн тохиолдол бүрийг ангилан ялгаж тухайн үндсэн оршин суугч дээр бүртгэх хэрэг гарах учраас энэхүү асуудалд ихээхэн цаг зав шаардагдана. Гэхдээ ингэж төлөх тохиолдол 100 айл бүрийн 5-6 оршин суугч байна. Санаа бүү зовоорой. Тэгэхээр харилцагч нараа сайхан ангилан ялгаад нэг код үүсгэн хадгалаад аваарай. харахад амархан.

Өнөөдөр СӨХ-ийн нэгтгэл хүснэгтийн мэдээллийг оруулж байна энэхүү нэгтгэл мөн НӨАТ төлөгч биш байгууллагад ашиглахад нэн тохиромжтой. Өнгөрсөн жил нилээдгүй олон СӨХ-үүдийн татварын тайлан буцаж асуудал үүсгэж дахин дахин буруу илгээх тохиолдол гарсан билээ. Бид зөвлөгөөг ингэж өгсөн хараарай. Ингээд л орлого болон худалдан авалтаа ингээд тулгаад явчихаарай. Энэхүү файл нь дотроо 3 хүснэгтүүд байгаа бөгөөд 1-р хүснэгт нь нийт ибаримтаар бичигдсэн орлого, худалдан авалтын нэгтгэл мөн харилцах, кассаар орсон , гарсан дүнгүүдийн зөрүүг тулган харах боломжтойгоор хийгдсэн байгаа шүү. 2-р хүснэгтэнд орлогын ибаримтын нэгтгэлийг дэлгэрэнгүйгээр харуулсан бөгөөд иргэн болон байгууллагаар тусдаа харуулсан байгаа болно. 3-р хүснэгтэнд худалдан авалтын ибаримтын нэгтгэлийг дэлгэрэнгүй харуулсан ба зардлуудын ангилал харуулахаар оруулсан байгаа. За амжилт. Эрхэм СӨХ-ийн санхүүч дээ. Асуух зүйл байвал бидэнд бичиж үлдээгээрэй хариулт өгөхөд бэлэн байгаа болно.

Бид өмнөх дугааруудад СӨХ-ийн харилцах дансын хэрхэн хөтлөх, ибаримтын нэгтгэл хийх яаж харах, оршин суугчдын нэгтгэл хүснэгт бэлтгэн авлагаа хэрхэн хөтлөх, санхүүгийн шинжилгээ хийхэд хэрхэн бэлтгэх, төсөл төлөвлөгөө хийхэд хэрхэн авлагаа нэгтгэж харах талаар оруулж байсан бол одоо харин ЭРХЭМ нягтлан бодогчийн хийх ажлын эхний хэсэгт багтах дансны жагсаалтын талаар оруулж байна. Дансны жагсаалтыг үзсэний дараа Ерөнхий журналын талаар үзэх бөгөөд байнга ашиглагдах дансны бичилтүүдийн талаар оруулах болно. Дансны жагсаалт: Амжилт. СӨХ-ны санхүүчдээ.

СӨХ-ийн санхүүгийн тайлан гаргах 7 дахь үе шатны ажил маань хийгдээд эхэлж байна шүү. Одоо үүний дараа 3 үе шатны ажил хийгдээд л л СӨХ-ийн тайлан гарч дууснаа гэсэн үг. Үүний дараа ХЗХ яаж тайлангаа хэрхэн хэзээ гаргах талаар оруулах болно. Гүйлгээ баланс гэж юу аж ахуй нэгж байгууллагын үйл ажиллагаанд хөтлөгдсөн бүх дансдын эхний үлдэгдэл, тайлант хугацаанд тухайн дансанд нэмэгдсэн болон хорогдсон гүйлгээний дүн, дансдын эцсийн үлдэгдэл зэргийг харуулсан дансдын жагсаалт бүхий хүснэгтийг хэлнэ. Гүйлгээ баланс дахь дансдын эхний үлдэгдэл, эцсийн үлдэгдлийн багана тус бүрийн нийлбэр нь тэнцүү байх ёстой бөгөөд санхүүчид маань ажил гүйлгээг журналд бичиж, дэлгэрэнгүй бүртгэл, дансны харилцаа болон ажил гүйлгээний мөнгөн дүн зэргийг холбож алдааг илрүүлэх зорилгоор гүйлгээ баланс болон шалгах балансыг бэлтгэдэг. Файл хэлбэрээр байгаа татаж авч ашиглааарай.

СӨХ-ийн санхүүгийн тайлан гаргах 8 дахь үе шатны ажил маань хийгдээд эхэлж байна шүү үүний дараа татварын тайлан гаргах үе шат яваад л дууслаа. Амжилт. Одоо үүний дараа 2 үе шатны ажил хийгдээд л л СӨХ-ийн тайлан гарч дууснаа гэсэн үг. Үүний дараа ХЗХ яаж тайлангаа хэрхэн хэзээ гаргах талаар оруулах болно. Нягтлан бодох бүртгэлийн тухай хуулийн 8.1-т "Санхүүгийн тайлагналын олон улсын стандартын дагуу нягтлан бодох бүртгэл хөтөлж, санхүүгийн тайлангаа гаргах үүрэг бүхий аж ахуйн нэгж, байгууллагын санхүүгийн тайлан нь дараах бүрэлдэхүүнтэй байна" : Хуулийн СӨХ-ийн хувьд санхүүгийн байдлын тайлан; /Санхүү байдлын тайлан/ орлогын дэлгэрэнгүй тайлан; /Орлогын дэлгэрэнгүй тайлан/ өмчийн өөрчлөлтийн тайлан; /Цэвэр хөрөнгийн тайлан/ мөнгөн гүйлгээний тайлан; /Мөнгөн гүйлгээний тайлан/ санхүүгийн тайлангийн тодруулга. /Санхүү тайлангийн тодруулга/ Нягтлан бодох бүртгэлийн тухай хуулийн 8.4-т " Аж ахуйн нэгж, байгууллагын гүйцэтгэх удирдлага болон ерөнхий нягтлан бодогч санхүүгийн тайланд гарын үсэг зурж, тамга /тэмдэг/ дарж баталгаажуулах бөгөөд гүйцэтгэх удирдлага санхүүгийн тайлангийн үнэн зөвийг хариуцна" заасан байгаа шүү. Нягтлан бодох бүртгэлийн тухай хуулийн 8.10-т " Санхүүгийн тайлангийн жил, санхүүгийн тайлан гаргах хугацаа" заасан байна. Аж ахуйн нэгж, байгууллагын санхүүгийн тайлангийн жил тухайн оны 01 дүгээр сарын 01-ний өдрөөс эхэлж, 12 дугаар сарын 31-ний өдрөөр дуусгавар болно. Шинээр байгуулагдсан аж ахуйн нэгж, байгууллагын санхүүгийн эхний тайлангийн жил нь улсын бүртгэлд бүртгүүлсэн өдрөөс эхэлж, тухайн оны 12 дугаар сарын 31-ний өдрөөр дуусгавар болно. Энэ хуулийн 4.1.1-д заасан стандартыг мөрдөх үүрэгтэй аж ахуйн нэгж, байгууллага нь эхний хагас жилийн санхүүгийн тайланг 07 дугаар сарын 20-ны өдрийн дотор, жилийн санхүүгийн тайланг дараа оны 02 дугаар сарын 10-ны өдрийн дотор харилцагч санхүүгийн байгууллагад цахим хэлбэрээр хүргүүлнэ. Файл хэлбэрээр байгаа татаж авч ашиглааарай.

Өглөөний мэндээ. Өнөөдөр бид 2003 оны 6 дугаар сарын 18-ний өдөр батлагдсан "Сууц өмчлөгчдийн холбооны эрх зүйн байдал, нийтийн зориулалттай орон сууцны байшингийн дундын өмчлөлийн эд хөрөнгийн тухай" 21 зүйл бүхий хуулийн талаар мөн шинэчлэгдэн батлагдах гэж байгаа "Нийтийн зориулалттхй орон сууцны байшингийн дундын өмчлөлийн эд хөрөнгийн менежментийн тухай" хуулийн өөрчлөлтийн талаар оруулж байна. Улаанбаатар хотын нийт өрхийн 77.3 хувь нь орон сууц болон байшинд амьдарч байна гэсэн судалгаанаас харахад : гэр сууц 41.0  хувь  сууцны тусдаа байшин 54.9  хувь нийтийн зориулалттай орон сууцны байшин 2.9 хувь бие даасан тохилог сууц 0.6 хувь нийтийн байр 0.6 хувийг тус тус эзэлж байна. Нийтийн зориулалттай  4 077 орон сууцны байшинд 250 221 сууц тоологдсон байна.  Дээрх байдлаас дүгнэлт хийхэд бид өөрсдийнхөө амьдарч байгаа орчинд хэр анхаарч хэр СӨХ тэйгээ хамтарч ажиллаж байгаа бол. Та СӨХ-ийн төлбөрөө тогтмол төлдөг үү Хэр их мөнгө төлдөг вэ Тэрхүү мөнгө хаана зарцуулагддаг гэж та бодож байна Таны байгаа орчин үнэхээр цэвэрхэн сэтгэлд хүрсэн байдаг уу Та СӨХ-дөө ямар хувь нэмэр оруулж байна Та иргэний үүргээ биелүүлдэг үү Та СӨХ ийн хуралдаа оролцдог уу Танай СӨХ-ийг арай барилгын компани чинь хийгээд явж байгаа юм биш биз Танай байрны техникийн өрөө стандартын дагуу юу Таны орох гарах хөдөлгөөн хоригдоод байгаа юм биш биз Та СӨХ ийнхөө УЗ, ХЗ, ГЗ ийн юу хийх ёстойг мэдэх үү ЯГ ОДОО ТА СӨХ ийн хэдэн төгрөгийн төлбөртэйгээ мэдэж байна уу гэх мэт олон асуултууд хүн бүрийн толгойны СӨХ -ийн улмаар ИРГЭН таны толгойны өвчин болоод байна. За одоо бид СӨХ ийн шинэ хуулийн талаар хэдхэн мэдээлэл оруулья. Долоо хоног бүрийн 4 дэх өдөр СӨХ ийн талаар мэдээлэл оруулах болно. "Нийтийн зориулалттхй орон сууцны байшингийн дундын өмчлөлийн эд хөрөнгийн менежментийн тухай" хууль нь 14 бүлэгтэй 84 зүйл заалттай хууль гарах гэж байна. НЭГДҮГЭЭР БҮЛЭГ. Нийтлэг үндэслэл 1 дүгээр зүйл. Хуулийн зорилт 2 дугаар зүйл. Нийтийн зориулалттай орон сууцны байшингийн дундын өмчлөлийн эд хөрөнгийн менежментийн тухай хууль тогтоомж 3 дугаар зүйл. Хуулийн үйлчлэх хүрээ 4 дүгээр зүйл. Хуулийн нэр томьёоны тодорхойлолт 5 дугаар зүйл. Нийтийн зориулалттай орон сууцны байшингийн дундын өмчлөлийн эд хөрөнгийн менежмент, өмчлөлт, эзэмшил, ашиглалтад баримтлах зарчим ХОЁРДУГААР БҮЛЭГ . Орон сууцны байшингийн дундын өмчлөлийн эд хөрөнгө 6 дугаар зүйл. Орон сууцны байшингийн дундын өмчлөлийн эд хөрөнгө 7 дугаар зүйл. Орон сууцны байшингийн дундын өмчлөлийн эд хөрөнгийг улсын бүртгэлд бүртгүүлэх ГУРАВДУГААР БҮЛЭГ. Орон сууцны байшингийн дундын өмчлөлийн эд хөрөнгийг өмчлөх, эзэмших, ашиглах 8 дугаар зүйл. Орон сууцны байшингийн дундын өмчлөлийн эд хөрөнгийн өмчлөл 9 дүгээр зүйл. Орон сууцны байшингийн дундын өмчлөлийн эд хөрөнгийг эзэмших, ашиглах 10 дугаар зүйл. Улсын болон орон нутгийн төсөв, гадаадын зээл, тусламжийн хөрөнгөөр бий болсон эд хөрөнгийн өмчлөл, эзэмшил, ашиглалт 11 дүгээр зүйл. Орон сууцны байшингийн дундын өмчлөлийн эд хөрөнгийг бусдад эзэмшүүлэх, ашиглуулах 12 дугаар зүйл. Орон сууцны байшингийн хонгил, сууцны бус зориулалттай техникийн болон нэгдүгээр давхрын үйлчилгээний өрөө  13 дугаар зүйл. Орон сууцны байшин дахь Сууц өмчлөгчдийн холбооны өрөө  14 дүгээр зүйл. Орон сууцны байшингийн цахилгаан шатны ашиглалт, үйлчилгээ 15 дугаар зүйл. Орон сууцны байшингийн дундын өмчлөлийн эд хөрөнгийн галын аюулгүй байдлыг хангах  16 дугаар зүйл. Орон сууцны байшинд гэрийн тэжээвэр амьтан тэжээх 17 дугаар зүйл. Ногоон байгууламж төлөвлөх, байгуулах  18 дугаар зүйл. Тоглоомын талбай төлөвлөх, байгуулах  19 дүгээр зүйл. Гэрэлтүүлэг суурилуулах  20 дугаар зүйл. Авто зогсоол төлөвлөх, байгуулах  21 дүгээр зүйл. Явган хүний зам төлөвлөх, байгуулах  22 дугаар зүйл. Хогийн цэг байгуулах 23 дугаар зүйл. Орон сууцны байшингийн нүүр тал /фасад/-ын хийц, бүтээц, өнгийг өөрчлөх 24 дүгээр зүйл. Орон сууцны байшингийн дундын өмчлөлийн эд хөрөнгийн үндсэн бүтээц, хийцийг өөрчлөх ДӨРӨВДҮГЭЭР БҮЛЭГ. Орон сууцны байшингийн орчны газар 25 дугаар зүйл. Орон сууцны байшингийн орчны газар 26 дугаар зүйл. Орчны газрыг Сууц өмчлөгчдийн холбоонд шилжүүлэх 27 дугаар зүйл. Орчны газрын төлөвлөлт 28 дугаар зүйл. Орчны газрын ашиглах гэрээ 29 дүгээр зүйл. Орчны газрын тохижилт, арчилгаа, хамгаалалт, цэвэрлэгээ, үйлчилгээ 30 дугаар зүйл. Орчны газрын хашаа, хайс, хашлаганд тавих шаардлага 31 дүгээр зүйл. Хориглох зүйл  32 дугаар зүйл. Орчны газрыг хууль бус барилга байгууламжаас чөлөөлөх   ТАВДУГААР БҮЛЭГ. Орон сууцны байшингийн дундын өмчлөлийн эд хөрөнгийн засвар, үйлчилгээ, тэдгээрийн зардлыг хуваарилах 33 дугаар зүйл. Нийтийн зориулалттай орон сууцны байшингийн засвар, үйлчилгээ 34 дүгээр зүйл. Орон сууцны байшингийн дундын өмчлөлийн эд хөрөнгийн засвар, арчлалт, хамгаалалт, үйлчилгээний зардлын хэмжээ 35 дугаар зүйл. Орон сууцны байшингийн дундын өмчлөлийн эд хөрөнгийн төлбөр, зардлыг төлөх 36 дугаар зүйл. Орон сууцны байшингийн дундын ашиглалтын талбайн цахилгааны төлбөрийг төлөх  37 дугаар зүйл. Орон сууцны байшингийн хонгил дахь авто зогсоолын цэвэрлэгээ, үйлчилгээ, дулаан, цахилгааны зардлыг төлөх 38 дугаар зүйл. Хориглох зүйл ЗУРГAАДУГААР БҮЛЭГ. Орон сууцны байшингийн дундын өмчлөлийн эд хөрөнгийн засвар, арчлалт, хамгаалалтыг хариуцсан мэргэжлийн байгууллага 39 дүгээр зүйл. Орон сууцны байшингийн дундын өмчлөлийн эд хөрөнгийн засвар, үйлчилгээг хариуцсан мэргэжлийн байгууллага 40 дүгээр зүйл. Мэргэжлийн байгууллагыг сонгон шалгаруулах 41 дүгээр зүйл. Мэргэжлийн байгууллагатай гэрээ байгуулах  42 дугаар зүйл. Мэргэжлийн байгууллагын чиг үүрэг 43 дугаар зүйл. Гэм хорыг арилгах ДОЛООДУГААР БҮЛЭГ. Орон сууцны байшингийн дундын өмчлөлийн эд хөрөнгийн засвар, арчлалтын сан 44 дүгээр зүйл. Орон сууцны байшингийн дундын өмчлөлийн эд хөрөнгийн засвар, арчлалтын сан  45 дугаар зүйл. Сангийн хөрөнгийн эх үүсвэр 46 дугаар зүйл. Сангийн хөрөнгө оруулалт 47 дугаар зүйл. Сангийн хөрөнгийг удирдахад баримтлах зарчим 48 дугаар зүйл. Сангийн хөрөнгийн удирдлагын зарчмыг хэрэгжүүлэх 49 дүгээр зүйл. Сангийн хөрөнгийн удирдлагын үйл ажиллагаанд тавих шаардлага 50 дугаар зүйл. Сангийн хөрөнгийн зарцуулалт 51 дүгээр зүйл. Сангийн үйл ажиллагаанд хяналт тавих Хяналтын зөвлөл 52 дугаар зүйл. Сангийн санхүүгийн болон үйл ажиллагааны жилийн тайлан НАЙМДУГААР БҮЛЭГ. Сууц өмчлөгч, түүний эрх, үүрэг, хүлээх хариуцлага 53 дугаар зүйл. Сууц өмчлөгч 3 54 дүгээр зүйл. Сууц өмчлөгчийн эрх  55 дугаар зүйл. Сууц өмчлөгчийн үүрэг 56 дугаар зүйл. Сууц өмчлөгч сууцаа түрээслэх тохиолдолд үүсэх эрх, үүрэг 57 дугаар зүйл. Сууц өмчлөгчийн хүлээх хариуцлага  58 дугаар зүйл. Шүүхэд нэхэмжлэл гаргах ЕСДҮГЭЭР БҮЛЭГ. Сууц өмчлөгчдийн холбоо 59 дүгээр зүйл. Сууц өмчлөгчдийн холбоо  60 дугаар зүйл. Сууц өмчлөгчдийн холбоог үүсгэн байгуулах 61 дүгээр зүйл. Сууц өмчлөгчдийн холбооны дүрэм  62 дугаар зүйл. Сууц өмчлөгчдийн холбоог бүртгэх 63 дугаар зүйл. Барилгын ажлын захиалагчаас Сууц өмчлөгчдийн холбоонд хүлээлгэж өгөх баримт бичиг 64 дүгээр зүйл. Сууц өмчлөгчдийн холбоог татан буулгах 65 дугаар зүйл. Хориглох зүйл АРАВДУГААР БҮЛЭГ. Сууц өмчлөгчдийн холбооны эрх барих дээд байгууллага 66 дугаар зүйл. Сууц өмчлөгчдийн холбооны эрх барих дээд байгууллага 67 дугаар зүйл. Бүх гишүүдийн хурал  68 дугаар зүйл. Бүх гишүүдийн хурлыг цахим хэлбэрээр явуулах 69 дүгээр зүйл. Бүх гишүүдийн хурлын шийдвэр хүчин төгөлдөр болох АРВАН НЭГДҮГЭЭР БҮЛЭГ. Сууц өмчлөгчдийн холбооны удирдах зөвлөл 70 дугаар зүйл. Удирдах зөвлөл  71 дүгээр зүйл. Удирдах зөвлөлийн хурал 72 дугаар зүйл. Удирдах зөвлөлийн чиг үүрэг  73 дугаар зүйл. Удирдах зөвлөлийн даргын чиг үүрэг АРВАН ХОЁРДУГААР БҮЛЭГ. Сууц өмчлөгчдийн холбооны гүйцэтгэх захирал 74 дүгээр зүйл. Гүйцэтгэх захирал 75 дугаар зүйл. Гүйцэтгэх захирлын чиг үүрэг 76 дугаар зүйл. Сууц өмчлөгчдийн холбооны санхүүгийн болон үйл ажиллагааны жилийн тайлан АРВАН ГУРАВДУГААР БҮЛЭГ. Сууц өмчлөгчдийн холбооны үйл ажиллагаанд тавих хяналт 77 дугаар зүйл. Хяналтын зөвлөл 78 дугаар зүйл. Хяналтын зөвлөлийн чиг үүрэг 79 дүгээр зүйл. Сум, дүүргийн Засаг даргаас тавих хяналт 80 дугаар зүйл. Хэрэглэгчдийн эрх ашгийг хамгаалах байгууллагаас тавих хяналт АРВАН ДӨРӨВДҮГЭЭР БҮЛЭГ. Улс, орон нутгийн төсвөөс үзүүлэх дэмжлэг болон аймаг, нийслэл, сум, дүүргээс үзүүлэх бусад дэмжлэг 81 дүгээр зүйл. Улс, орон нутгийн төсвөөс үзүүлэх дэмжлэг 82 дугаар зүйл. Аймаг, нийслэл, сум, дүүргээс үзүүлэх бусад дэмжлэг АРВАН ТАВДУГААР БҮЛЭГ. Бусад зүйл 83 дугаар зүйл. Хууль зөрчигчид хүлээлгэх хариуцлага 84 дүгээр зүйл. Хууль хүчин төгөлдөр болох Эх сурвалж: https://legalinfo.mn/mn/detail/463 https://www.parliament.mn/laws/1418/